Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.
Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan, hali kindigi ham kesilmagan qiz bola jinsidagi chaqaloq tashlab ketilgan. Kun botishiga yaqin erni aylanib yurgan fuqaro chaqaloq ovozini eshitadi va u tomonga yaqinlasha boshlaydi. Avvaliga it bolasi bo`lsa kerak deb o`ylagan erkak, yaqinlashgan sari chaqaloqning chinqirab yig`layotganiga guvoh bo`ladi. Go`dak ko`rpachaga o`rab qo`yilgan bo`lgan. Erkak nima qilishni bilmay, birdan o`g`liga qo`ng`iroq qiladi. O`g`li esa uchastka noziri bilan bog`lanadi. Inspektor, bolaning oldida bo`lgan erkakka zudlik bilan bolani ko`rpachaga o`rab, katta ko`chaga olib chiqishini so`raydi. Tez yordam ham chaqiriladi. Biroq, inspektor tez yordam mashinasidan avval chaqaloqni o`zi mashinaga solib shifoxonaga etkazadi.
"Yaxshiyam dalani aylanib, ovozni eshitib, chaqaloqni ko`rib qolibman. Yo`qsa bir soatdan keyin qorong`u tushardi, atrofda esa itlar yurgandi", - deydi go`dakni ko`rib qolgan fuqaro.
Bola asrab qolinadi, biroq u uzoq muddat sovuqda qolib ketgani sabab tanasida harorat pasayib ketgan. Shifokorlarning aytishicha, chaqaloq dunyoga kelganiga bir kun bo`lgan. Hozirda chaqaloqning onasini topish bo`yicha IIB tomonidan surishtiruv ishlari olib borilmoqda. Shuningdek, ma`lum bo`lishicha, go`dakni asrab olish maqsadida ko`plab fuqarolar murojaat qilishmoqda.
19.04.2024, 13:43
Joriy yilning 11 aprel kuni Farg`ona shahardagi “Shodlik Qirguli avto” MChJda nazoratchi bo`lib ishlovchi Z.S. (ayol) hamda Farg`ona-Toshloq yo`nalishida qatnovchi haydovchi B.O. o`rtasida o`zaro kelishmovchilik...
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
