Ijtimoiy tarmoklarda Chortoq tumani, “Iftixor” MFYning Tol ko`chasida joylashgan oilaviy nodavlat maktabgacha ta`lim tashkiloti bo`yicha yoritilgan maqola o`rganib chiqildi. Bu haqda Maktabgacha ta`lim agentligi darakchi’ga xabar berdi.
Ma`lum qilinishicha, Chortoq tuman maktabgacha va maktab ta`limi bo`limi tomonidan 9-may “Xotira va qadrlash kuni”ni o`tkazish bo`yicha tavsiya xati berilgan.
Biroq 2024 yil 8 may kuni, YaTT U.M. tomonidan Damas avtomashinasida o`rindiqlardan ortiqcha bolalarni olib, tuman markazida joylashgan Xotira maydoniga tarbiyalanuvchilari olib borilgan. Xotira maydonidan qaytishda YaTT U.M. tomonidan yaqin va bir yo`nalishda bo`lganligi uchun so`roqsiz Tol mozor qabristoniga tarbiyalanuvchilar bilan birga kirilgan.
Yuqoridagilardan kelib chikib YaTT U.M. bilan bo`lib o`tgan xolat yuzasidan suxbatlashildi. 2024 yil 13 may kuni YaTT M.ni tushuntirish xati va uning xatti xarakatlariga qonuniy chora ko`rish bo`yicha hujjatlar viloyat Maktabgacha va maktab ta`limi boshqarmasiga taqdim qilinadi.
