Astrologiyada insonning tug`ilgan sanasi, ya`ni burjiga qarab ta`rif beradigan ko`pgina bashoratlarni uchratish mumkin. Ulardan biri “Gulli munajjimlar bashorati” sanaladi. Bu bashoratni ayolning “portretiga chizgilar” deb qabul qilish tavsiya etiladi. Bundan tashqari, bu bashoratdan amaliy maqsadda foydalanib, guldasta tanlash jarayonini osonlashtirish mumkin.
1 yanvar - 10 yanvar
Gajak gul
Issiqlik ramzini ifodalovchi sirli gul. Asosan, tog` yon bag`rida o`sadi. Ayolning fe`l-atvoriga biroz sirlilik baxsh etadi. Bu gul ramzi ostida tug`ilganlar o`z maqsadiga erishmaguncha tinchimaydigan insonlar bo`ladi. Sovuqdan himoyalanish tavsiya etiladi.
11 yanvar - 20 yanvar
Qushqo`nmas
Ko`zga yaqin gul bo`lmagani uchun nima qilib bo`lsa ham, o`ziga e`tibor qaratish istagi kuchli. Qachon qaramang, muammoli vaziyatlarga aralashib qoladi. Biroq bu gul ramzi ostidagi ayollar bilan yaqindan do`stlashsangiz, ularning ko`ngli tozaligiga amin bo`lasiz. Ular yaxshi do`st va oilaparvar bo`la olishadi. Mehnatkashligini alohida ta`kidlash lozim. Gipertoniya kasalligiga moyilligi bor.
21 yanvar - 31 yanvar
Bo`znoch
Bo`znoch — yaxshiligini ta`ma qilmaydigan ayoldir. Kamtar bo`lsa-da, zamondan ortda qolib ketmaslikka intiladi. Uning xushbichim va orastaligi ko`pchilikning havasini keltiradi. Har qanday qiyinchilikni osongina engib o`tadi.
1 fevral - 10 fevral
Omela
Bu gul ramzi ostida tug`ilgan ayol qiziquvchanligi va tez qaror qabul qilishi bilan boshqalardan ajralib turadi. Shuningdek, o`z salomatligiga befarq emas. Muntazam sport bilan shug`ullanib, qomati haqida qayg`urishi tahsinga sazovor.
11 fevral - 19 fevral
Belladonna
Go`zal, lekin o`ta kamtar. Uning chiroyiga maftun bo`lgan erkak ma`shuqasining yuragini zabt etishi uchun anchagina ter to`kishiga to`g`ri keladi. Ayol orzu-maqsadlariga faqatgina mehnati orqali erishishni istaydi.
20 fevral - 28 fevral
Mimoza
Mimozaga qo`l uzatishingiz bilan guli yopilib qoladi, unga qiyoslanadigan ayollar ham xuddi shunday. Juda ta`sirchan. Bu ayolning mehnatiga etarli darajada baho berilmasligi uni tushkunlikka etaklaydi. Mimozalarning turmush o`rtog`i va boshliqlari diqqatiga: uning tezda so`lib qolishini istamasangiz, elkasiga haddan ortiq mas`uliyat hamda vazifa yuklamang. Infarkt va oshqozon yarasidan ehtiyot bo`lish tavsiya etiladi.
1 mart - 10 mart
Lolaqizg`aldoq
Uning nazokati har qanday kimsani lol etmay qolmaydi. Lolaqizg`aldoq osongina maftun etadi va sizni hech qachon qo`yib yubormaydi. Tanasidagi mayda tikanaklar uning taqdir yo`lida ham ko`p uchraydi. Bu gul ramzi ostidagi ayol muvaffaqqiyatga faqatgina mehnat qilib erisha oladi.
11 mart - 20 mart
Liliya
Tengi yo`q dilbar, hammani birdek o`ziga mahliyo qiladi. Didi nozik, yolg`ondan unumli foydalana biladi. Atrofdagilarning fikri bilan hisoblashish unga yot, xarobada ham baxtni tuya biladi.
21 mart - 31 mart
Digitalis
Bu gul ramzi ostida tavallud topgan ayol o`z guliga o`xshamaydi. Digitalis och sariq rangda va biroz ko`rimsiz, ayol esa qat`iyati bilan ajralib turadi. Donishmandligiga qoyil qolish kerak, taqdirning har qanday chigilliklarini osongina echa oladi. Ularni qiyin ahvolga solaman deb aslo ovora bo`lmang.
1 aprel - 10 aprel
Magnoliya
Shuhratparastlik va hamma ishda birinchi bo`lish magnoliyaning yorqin jihatlari sanaladi. Doim o`zini haq deb biladi. Atrofdagilarning maslahatiga quloq tutishni istamagani uchun qoqilib yuradi.
11 aprel - 20 aprel
Gortenziya
Fe`li keng, saxiy, xushchaqchaq. Ko`makka muhtojlarga o`ylab o`tirmay yordam qo`lini cho`zadi. Ba`zan uning bu qadar ko`ngli ochiqligi o`ziga ziyon keltiradi.
21 aprel - 30 aprel
Kartoshkagul
Ajoyibligi bilan ajralib turadigan bu gul oltin o`rtalikka amal qilishni xush ko`radi. U yaqinlariga haddan ortiq talab qo`ymaydi va o`ziga nisbatan ham xuddi shunday munosabatni talab etadi. O`z kuchini taroziga qo`yib, undan so`ng biror ishning boshini tutadi. Avvalo mehnat, undan so`ng omadga ishonish kerak degan tushuncha uning hayotiy shioriga aylangan.
1 may - 10 may
Marvaridgul
Uning himmati va bag`rikengligi tahsinga sazovor. Shunday bo`lsa-da, tog`dek suyanchiqqa muhtoj. Atrofdagilarning ko`nglini ko`tarishga doim tayyor turadi. Ishini sidqidildan bajaradi.
11 may - 21 may
Gulbeor
har narsaga shubha bilan qaraydi, hadiksiraydi, hattoki eng yaqin insoni bir kun pand berishidan qo`rqib yashaydi. Bu gul ramzi ostidagi inson bilan turmush qurish ham, ishlash ham oson kechmasligi aniq. Uning ishonchini qozonish uchun ancha ter to`kishga to`g`ri keladi.
22 may - 31 may
Moychechak
U o`z an`anasiga doim sodiq qoladi: sevadi-sevmaydi... Ikkilanish odatidan hech ham qutulolmaydi. O`z jozibasidan unumli foydalanishni bilmaydi. Lekin raqobatga bir kirishsa, uni aslo to`xtata olmaysiz.
1 iyun - 11 iyun
Qo`ng`iroqgul
Fe`lidagi mutaassibligi hayot yo`lida doim to`g`anoq bo`ladi. Turmushidagi har qanday o`zgarish uni cho`chitadi. Oila davrasida o`zini yaxshi his etadi, xonadoni sarishtaligiga o`ta talabchan. Sayohatni yaxshi ko`radi, sevimli transporti poezd ekanligi hammani hayron qoldirishi turgan gap.
12 iyun - 21 iyun
Dastorgul
Xayolparastlik va jasurlik hislatlari unga butunlay yot. Mas`uliyatni bo`yniga olishni ko`p ham istamaydi, undan ko`ra uy ishlari bilan band bo`lish unga huzur bag`ishlaydi. Voqealarni jimgina kuzatish aynan uning tabiatiga xos. Shunday bo`lsa-da, orzulari ushalishi uchun hamma narsaga tayyor.
22 iyun - 1 iyul
Lola
G`ayratining jo`shqinligi tahsinga sazovor. O`ziga haddan ziyod ortiq baho beradi. Mag`rur bo`lgani uchun undan sevgi izhorini eshitish amri mahol. Odatda bunday ayollarning eri rafiqasining ko`nglini ololmay halak bo`ladi.
2 iyul - 12 iyul
Oq nilfiya
U suvda cho`kmaydi, havoda parvoz qila oladi, erda ham o`zini qulay his qiladi. Xullas, hamma vaziyat va sharoitga moslashadigan ayollar aynan mana shu gul ramzi ostida tavallud topishgan. hayot yo`lidagi har qanday to`siqni osongina engib o`tadi.
13 iyul - 23 iyul
Binafsha
O`zi istamagan holda hammaning diqqat-e`tiborini jalb qiladi. Biroz muddat qorong`ilikka singishi mumkin. O`z ulushini aslo birov olishiga yo`l qo`ymaydi.
24 iyul - 2 avgust
Na`matak
Tikanlari doim hujumga tayyor. Qurolsiz qo`l bilan uni aslo o`zingizniki qilolmaysiz. Yaqinroq borsangiz, tikanlari shunchaki himoya vositasi ekanligiga amin bo`lasiz. Ko`ngli tozaligidan xuddi jajji bolakayga o`xshaydi.
3 avgust - 12 avgust
Qungaboqar
Bu gul va uning ramzi ostidagi ayolga ortiqcha ta`rifning keragi yo`q. Quyoshning zarrin nurlari ostida o`z o`rnini topgan. Omad va baxt uning uchun odatiy holatga aylanib ulgurgan.
13 avgust - 23 avgust
Atirgul
Gullarning qirolichasi. Unga havas va g`araz qilganlar doim topiladi. Biroq uning o`rnini hech kim bosolmasligi aniq. Ularni haddan oshiq toliqtirish yaramaydi. Salomatliklari haqida qayg`urishni unutishmasa, bas.
24 avgust - 2 sentyabr
Delfinium
Bu ayollar dunyoni suv bossa, to`pig`iga chiqmaydiganlar toifasiga mansub. O`ziga va o`zgalarga ko`p ham talab qo`ymaydi. Uning boqi beg`amligidan g`arazli maqsadda foydalanishni istaydiganlardan ehtiyot bo`lishi lozim. “Yo`q” deyishni ham bilish kerak.
3 sentyabr - 11 sentyabr
Chinnigul
Chinniguldek o`ylaganini qo`rqmay ayta oladigan ayol kamdan kam uchrasa kerak. Shubhasiz, bunday insonlarni ko`pchilik xushlamaydi. hamma unga qarshi chiqsa hamki, bu gul ramziga mansub ayol o`z fikrida sobit turaveradi. U uchun asosiysi – haqiqatdir.
12 sentyabr - 22 sentyabr
Qo`qongul
Kuzning hasrati-yu, sog`inch hissini, oz bo`lsa ham, qo`qongul yashira biladi. Oy tunni yoritgani kabi qo`qongul ayol ham har qanday vaziyatda xursandchilik olib keladi. Shuning uchun ham ular doim ardoqda bo`lishadi.
23 sentyabr - 3 oktyabr
Archagul
Archagul ramzi ostidagi ayollar latofati va nazokati bilan boshqalardan ajralib turadi. Ular uchun qirq hunar ham oz bo`lib, har qanday masalada yordam bera olishadi. O`zlariga yuqori baho berishadi, axir bu oltin qo`llar bilan faxrlanmay bo`ladimi?! Ular yaxshi do`st, qiyin vaziyatda yolg`iz qoldirishmaydi.
4 oktyabr - 13 oktyabr
Kameliya
Xushbichim, tashqi ko`rinishiga doim e`tibor va vaqt ajratadi. Nozik did sohibasi. Qat`iyati va jasurligi unga hech ham pand bermaydi. Ba`zan o`zini boladek tuta boshlasa, hayron bo`lmang.
14 oktyabr - 23 oktyabr
Siren
Bu gul ravnaq topish, soflik, yoshlik ramzi sanaladi. Uning ramziga mansub ayollar harakatchan va maqsadi sari olg`a qadam bosishi bilan hurmatga sazovor. Atrofidagilarga chin dildan yordam beradi. Biroq chaqqon va uddaburonlik unga xos emas, shunday fazilat egalariga havas bilan qaraydi.
24 oktyabr - 2 noyabr
Freziya
Undagi bor xislatlarni ko`pchilik orzu qilishi shubhasiz. Dovyuraklik, qunt-matonat, ba`zan ziyon keltiradigan qaysarlik faqat unga xos. Bir qarashda ularni hamma hush ko`radi, bu faqatgina foyda keltiradi.
3 noyabr - 12 noyabr
Orxideya
Ushbu gul ramzi ostida tug`ilgan ayollar sirliligi va ajibligi bilan o`ziga maftun etadi. Boshqalarga bo`ysinishni istamagani sabab oila va ishda ba`zi muammoli vaziyatlarga duch keladi. Lekin sabr va mehnat bilan hamma qiyinchilikni osongina engib o`tadi.
13 noyabr - 22 noyabr
Piongul
Piongulning umri qisqa, ammo uning sohibalariga buning hech qanday dahli yo`q. Harholda sog`liq haqida butunlay o`ylamaslik lozim degani emas. Maslahatimiz, biroz sirlilik zarar qilmaydi. Rejalaringizni hammaga oshkor qilish yaxshilikka olib kelmasligi mumkin.
23 noyabr - 2 dekabr
Gladiolus
Gladiolus sohibalari dunyoni lol qoldiradigan iqtidorga ega bo`lmasa-da, ommaning e`tiborini tez o`zlariga jalb qila biladi. Mehnatkash va mas`uliyatli ekanligi maqtovga loyiq. O`z yutuqlarini ko`z-ko`z qilishni yoqtirishmaydi.
3 dekabr - 12 dekabr
Momaqaymoq
Issiqlik ramzi. Atrofdigilar uni e`tiborsiz qoldirishlaridan qo`rqishadi. Buning uchun hamma narsaga tayyor bo`lib, haddan ortiq g`ayrioddiy uslubi did va omma talablariga javob bermaydi. Tanqidni osongina qabul qiladi.
13 dekabr - 22 dekabr
Nilufar
Soflik ramzi bo`lib, o`zini tutishi va fikrlashida boshqalarga o`xshab qolishni istamaydi. har qanday holatdan siliqqina chiqib keta oladi. Insonlar bilan munosabatda biroz moslashuvchanlik zarar qilmaydi.
23 dekabr - 31 dekabr
Edelveys
Tog`ning cho`qqisida o`suvchi gul. Bu gulning ramzi ostida tavallud topgan ayol sodiq do`st bo`ladi. Og`ir-bosiqlik hamda vafo ularning tabiatida bor. Kuchli bo`ron ham ularni asabiylashtira olmasligi mumkin.
Dilnoza tayyorladi.
