15 dekabr kuni Dalaguzar –Nazarbek temir yo‘l kesishmasida "Damas" rusumli avtomashina temir yo‘llarga tiqilib qoldi. Bu haqda "O‘zbekiston temir yo‘llari" xabar qildi.
Ma’lum bo‘lishicha, haydovchi taqiqlovchi belgilarga e’tibor bermagan va temir yo‘lni kesib o‘tishga harakat qilgan. Natijada avtomobil tiqilib qolgan. Haydovchi va boshqa avtomashinalar haydovchilari birgalikda mashinani bo‘shatishga harakat qilgan, ammo natija bo‘lmagan.
Yuk poyezdining mashinisti yo‘lda tiqilib qolgan mashinani ko‘rib, darhol shoshilinch tormozlashni faollashtirdi. Biroq, yuk poyezdining 800 metrdan 1000 metrgacha bo‘lgan tormoz masofasi hisobga olinsa, to‘qnashuvning oldini olishning iloji bo‘lmadi. Hodisa natijasida hech kim jabrlanmadi, deyiladi xabarda.
