Amir Temur hukmronligi davrida xattot Umar Aqto’ tomonidan ko‘chirilgan Qur’oni Karim qo‘lyozmasi o‘ziga xos ulkan hajmi va noyob husnixati bilan ajralib turadi. Ushbu mahobatli asar 1402-1405 yillar oralig‘ida Hirotda yaratilgan bo‘lib, uning sahifalari 1,25 x 2,25 metr hajmga ega. Qo‘lyozma Samarqanddagi Bibixonim masjidida maxsus tosh lavhda saqlangan.
Bu qo‘lyozma tarixdagi eng yirik Qur’on nusxalaridan biri sifatida e’tirof etiladi. Ayrim taxminlarga ko‘ra, uning ko‘chirilishida Boysung‘ur Mirzo ham ishtirok etgan bo‘lishi mumkin. Bugungi kunda qo‘lyozmaning sahifalari turli muzey va kutubxonalarda, jumladan, Nyu-Yorkdagi Artur M.Sakler galereyasida, Londonning Britaniya kutubxonasida va Eronda saqlanmoqda.
Ta’kidlash kerakki, Qur’oni Karimning mazkur ulkan nusxasi nafaqat o‘ziga xoslik, balki islom sivilizatsiyasining madaniy merosi sifatida ham muhim ahamiyatga egadir. Bu Qur’on ko‘chirmasining sahifalari hanuzgacha tarixshunoslar va husnixat tadqiqotchilari diqqat markazida bo‘lib keladi.
