Bu mahsulotni sevib iste`mol qilamiz. Ayniqsa, ertalab tetiklashish uchun qahvadan yaxshisi yo`q. Qolaversa, qahva barchamizning ro`zg`orimizda topiladi. Buni qarangki, bu mazali ichimlikni go`zallik muolajalarida ham ishlatishimiz mumkin ekan.
Ajinlarga qarshi...
Yuz teringiz ta`sirchan bo`lmasa, quyidagi niqobni sinab ko`rishingiz mumkin. 3 choy qoshiq qora bug`doy uniga yarim piyola achchiq qahvani (u sovuq bo`lishi kerak) aralashtiring. Aralashma bo`tqa ko`rinishiga kelishi kerak. So`ng bir dona tuxum sarig`ini qo`shing. hosil bo`lgan niqobni yuzga surtib, 15 daqiqaga qoldiring. Keyin iliq suvda chayib oling.
Ko`z qovoqlari uchun kompress
Kopressni boshlashdan avval ko`z qovoqlariga terini namlantiruvchi kremdan surting. 1 choy qoshiq qahvani 2 osh qoshiq qaynatilgan suvga damlab, sovuting. So`ng ikkita paxtani qahvada namlab, ko`z qovoqlari ustidan qo`ying. 15 daqiqadan so`ng paxtani olib tashlab, qovoqdagi ortiqcha namlikni quruq paxta bilan artib olasiz.
Soch uchun loson
Bo`yalgan sochlarga tovlanuvchi jilo berish uchun qahvadan loson tayyorlaymiz. 1 osh qoshiq maydalangan qahvani yarim litr qaynagan suvda damlab, tindiring. So`ngra sochni yuvib bo`lgach, qahvali damlama bilan chayib oling.
Ildizini mustahkamlaymiz
1 choy qoshiq maydalangan qahvani 1 osh qoshiq qaynatilgan suvda damlang. Damlamaga 1 choy qoshiq kanakunjut yog`i va bir dona tuxum sarig`ini qo`shing. Barcha masalliqlarni aralashtirib, namlangan soch ildiziga surting. 15 daqiqadan keyin shampun bilan chayib oling.
Quyoshda toblanganday bo`lmoqchimisiz?
Buning uchun soatlab quyoshli vanna qabul qilish shart emas. Shunchaki 1 osh qoshiq qahvani 50 gr qaynatilgan suv bilan aralashtiring. Hosil bo`lgan eritmaga yumshoq gubkani xo`llang-da, badaningizga engil surtib chiqing. 10 daqiqadan so`ng chayinishingiz mumkin. Qahva teri bilan ta`sirga kirishib, toblanganlik ko`rinishini paydo qiladi.
Universal skrab
Teri kataklarini tozalashda qahva va shakar aralashmasidan skrab tayyorlash mumkin. Buning uchun 1 choy qoshiq qahvaga shuncha miqdorda mayda shakarni aralashtiring. So`ngra namlangan yuz terisiga surtib, engil ishqalang. Skrabni iliq suvda yuvib tashlab, teriga namlantiruvchi krem surtib oling.
+ 45
1 choy qoshiq maydalangan qahvaga shuncha miqdorda maydalangan yong`oqni qo`shing. Ozroq suv bilan aralashtiring. Niqobni yuz terisiga surtib, engil ishqalang. 15 daqiqadan so`ng iliq suvda chayib oling.
Mazkur niqob toliqqan yuz terisini jonlantiradi.
23.08.2021, 16:08
Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...06.08.2021, 17:47
CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...01.06.2021, 18:32
So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...13.05.2021, 22:34
Farg`ona viloyati Marg`ilon shahrida 32 yashar ayol uyining tomorqasida ko`knori o`simligi etishtirayotgani aniqlandi, deya xabar bermoqda IIV matbuot xizmati.Qayd etilishicha, 2021 yilning 5 may kuni...