«Ikkinchi turmushdan uy-joy, aliment da`vo qilolamizmi?»

Savol-javob 15.12.2016, 15:07
Teglar: Ayol, Savol-javob, Oila, SUGDIYONA
«Ikkinchi turmushdan uy-joy, aliment da`vo qilolamizmi?»

— Qizim ikki nafar farzandi bilan ajrashdi. Qonuniy nikohi bo`lmagani bois kuyov bilan ixtiyoriy ravishda yordam ko`rsatilishiga kelishishdi. Bu orada bir yigit qizimga og`iz soldi. «Bolalarini familiyamga olaman, otalik qilaman», deb g`amxo`rlik qilayotganini ko`rib, rozi bo`lgandik. Nabiralarimning otasi faqat qizining nasabi o`zgarishga rozilik berdi. Hammasi qonunan amalga oshirilgan, «ZAGS»dan o`tishdi. Alohida yashashlari uchun kvartiraga ham chiqardim. Ammo ko`p o`tmay kuyovning kasali borligi ma`lum bo`ldi. Hozir qizim menikida, ajrimga berish tadorigini ko`rayapti. Garchi qaynonasinikiga kelin bo`lib tushmagan bo`lsa-da, ayni vaziyatda uy-joy borasida biror nima da`vo qiloladimi? Yana bir savol nabiram uchun alimentga bergandik, ammo «Men faqat farzandlikka olganman, o`zimni bolam emas», deb kuyovim moddiy yordamdan bosh tortayapti. «Alimentga berganimizga olti oy bo`ldi, uch oydan so`ng jazoga tortilmasmidi?» deb ijrochilarga yuzlansam, «Shaharda shunday viloyatlarda esa 12 oydan o`tsagina, jazoga jalb qilinadi», deyishdi. Qonun hamma joyda bir emasmi? Ushbu savollarimga echim topishda ko`mak bersangiz?..

Ismi sir tutildi.

Murojaatga advokat Nafisa IBRAGIMOVA javob beradi.

Eslatib o`tamiz, mutaxassis izohi tavsiyaviy xarakterga ega.

— Moddiy jihatdan ta`minlash uchun sudning hal qiluv qaroriga binoan undirilishi lozim bo`lgan mablag`ni jami uch oydan ortiq muddat mobaynida to`lamaslik, O`zbekiston Respublikasi Jinoyat Kodeksining 122-moddasida belgilangan, voyaga etmagan yoki mehnatga layoqatsiz shaxslarni moddiy ta`minlashdan bo`yin tovlash jinoyat tarkibini keltirib chiqaradi. Qarzdor tomonidan uch oydan ortiq muddat davomida aliment to`lanmaganlik holatida sud ijrochisi tomonidan hududiy prokurorga jinoyat ishi qo`zg`atish haqida taqdimnoma kiritilishi mumkin. Lekin bu norma, undiruvchi tomonidan, undiruvni o`z vaqtida ta`minlanmaganligi, qarzdorga nisbatan tegishli choralar ko`rilmaganligi uchun hududiy prokurorga shikoyat keltirish huquqini cheklamaydi. Sud ijrochisining harakatlaridan norozi bo`lsangiz, uning harakatlarini qonunsizligi yuzasidan yuqori turuvchi ijro organiga yoki hududiy prokurorga shikoyat keltirib, qarzdorga nisbatan jinoyat ishi qo`zg`atishini so`rashingiz mumkin. Qizingiz doimiy yashashlik uchun oila a`zosi sifatida qaynonasining uyiga kiritilmaganligi (ya`ni, kelin bo`lib tushmaganligi), uni bu turar-joydan foydalanish huquqini istisno etadi.

 

Sharhlar

O`zbekistonning qaysi hududida oilalar soni ko`p?

26.09.2021, 17:45

O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...
Ayolni qotillikka boshlagan rashk: Yangiyo`llik juvon boshqa ayolga uylanmoqchi bo`lgan shar`iy nikohidagi erini o`ldirib qo`ydi...

23.08.2021, 16:08

Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...
Ayolning joni qirqta, ammo qismati bittami? Yoxud zo`ravonlik va tazyiq qurbonlari… (video)

01.06.2021, 18:32

So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...
O`zbekistonda 2030 yilga qadar oila instituti yanada mustahkamlanadi

27.05.2021, 16:56

AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda  “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...
Ob-havo: Toshkent
Valyuta kursi
1