Viloyat hokimligining xabar berishicha, Xalq deputatlari Farg‘ona viloyati Kengashining 2025 yil 24 aprelda “Viloyat hududlarida suv ta’minoti va oqova suv tashkilotlari tomonidan ko‘rsatiladigan suv ta’minoti va oqova suv xizmatlari uchun tartibga solinadigan narxlar (tariflar)ni qayta ko‘rib chiqish va tasdiqlash to‘g‘risida”gi qarori qabul qilindi.
Qarorda “Farg‘ona suvta’minot” MCHJ rahbarining viloyat hududlarida suv ta’minoti va oqova suv tashkilotlari tomonidan ko‘rsatiladigan suv ta’minoti va oqova suv xizmatlari uchun tartibga solinadigan narxlar (tariflar)ni qayta ko‘rib chiqish va tasdiqlash yuzasidan tegishli xati, shuningdek, viloyat hokimligining xulosasi inobatga olingan.
Unga ko‘ra, 1 maydan boshlab narxlar quyidagicha bo‘ladi:
Bir metr kub ichimlik suvi narxi:
aholi uchun — 3448 so‘m (amalda — 2128 so‘m);
budjet va boshqa tashkilotlar uchun — 6944 so‘m (3350 so‘m).
Oqova suvi xizmatiga:
aholi uchun — 728 so‘m (amalda — 504 so‘m);
budjet va boshqa tashkilotlar uchun — 1736 so‘m (870 so‘m).
Bunda, ushbu narxlar QQSni hisobga olgan holda keltirilgan.
