O‘zbekistonda kolbasa mahsulotlarini saqlash, tashish va realizatsiya qilish bilan bog‘liq gigiyenik talablar o‘zgartirildi. Bu haqda Sog‘liqni saqlash vazirligi matbuot xizmati ma’lum qilindi.
Endilikda kolbasa mahsulotlarining yaroqlilik muddati avvalgidan sezilarli darajada uzaytirilmoqda. Masalan, ilgari oliy navli qaynatilgan kolbasalar 72 soatgacha (+2…+4°C) saqlanishi mumkin bo‘lgan bo‘lsa, hozirda:
— Vakuum yoki modifikatsiyalangan atmosfera qo‘llanmaganda — 7–14 kun,
— Qo‘llanilganda — 30 kungacha 0…+6°C haroratda saqlanishi mumkin.
Shunga o‘xshash o‘zgarishlar boshqa turdagi kolbasa mahsulotlariga ham tegishli:
— Xom dudlangan kolbasa:
— Vakuumsiz — 180 kun (-2…-4°C),
— Vakuumli — 120 kun (0…+10°C).
— Yarim dudlangan kolbasa:
— Vakuumsiz — 15 kun (0…+6°C),
— Vakuumli — 30 kun.
— Sosiskalar va sardelkalar:
— Vakuumsiz — 5–10 kun,
— Vakuumli — 30 kungacha.
— Qaynatilgan-dudlangan kolbasalar:
— Vakuumsiz — 30 kun,
— Vakuumli — 60 kun.
— Qonli va jigar kolbasalari:
— Vakuumsiz — 48–72 soat,
— Vakuumli — 3–5 kun.
Mutasaddilarning ta’kidlashicha, bu o‘zgarishlar kolbasa mahsulotlarini xalqaro standartlarga moslashtirish va saqlash muddati davomida sifatni ta’minlash maqsadida amalga oshirilgan.
