Mutaxassisllar zararkunandaga qarshi keng ko‘lamli kurashni boshladi.
Ma’lum qilinishicha, bahor boshidan Qashqadaryo, Surxondaryo, Samarqand va Jizzax viloyatlarida marokash chigirtkasi tarqalishi kuzatilgan.
Hozirgacha 3 641 gektar maydonda kimyoiviy ishlov o‘tkazilib, 22 ming gektardan ortiq hudud nazoratga olingan. Joriy yilda esa 651,8 ming gektar yerda ishlov berish rejalashtirilgan.
Kurash ishlariga onlab maxsus texnika va mingdan ziyod uskunalar jalb qilingan, 700 ga yaqin mutaxassis sutka davomida ish olib bormoqda. Barcha hududlarda tezkor guruhlar shakllantirilgan.
Fuqarolardan chigirtka holatlari bo‘yicha tegishli xizmatlarga xabar berish so‘raldi, kimyoiviy ishlovlar esa bepul amalga oshirilmoqda.
