Qurilish kompaniyalarining soliqdan qarzi 1 trillion so‘mdan oshdi. Shundan 385 milliard so‘mi 10 ta kompaniya hisobiga to‘g‘ri keladi. Bu haqda soliq qo‘mitasi axborot xizmati xabar berdi.
Ma’lum qilinishicha, 2025 yil 1 avgust holatiga soliq qarzi 100 million so‘mdan yuqori qurilish korxonalari soni 1163 tani tashkil etgan. Umumiy qarzdorlik esa 1 trillion so‘mdan oshgan.
Shundan 385,3 milliard so‘mi, ya’ni 38 foiz soliq qarzi eng yirik bo‘lgan 10 ta korxona hisobiga to‘g‘ri keladi:
“Reliable Stroy Invest” MChJ – 81,5 milliard so‘m;
“Mohir-Quruvchi” MChJ – 65,3 milliard so‘m;
“Asia Invest Favorit” MChJ – 63 milliard so‘m;
“PU OA UK NATEK” – 56,5 milliard so‘m;
“Tamirlash Qurish Servis” MChJ – 50,8 milliard so‘m;
“Fayz Design” MChJ – 18,5 milliard so‘m;
“O‘zneftgazquduqta’mirlash” AJ – 13,7 milliard so‘m;
“DSK Binokor” MChJ – 12,8 milliard so‘m;
“Nova Towers” MChJ – 12 milliard so‘m;
“Neftgazmontaj” MChJ – 11,2 milliard so‘m.
Hududlar kesimida korxonalarning soliq qarzdorligi ko‘rsatkichi Toshkent shahrida 393,1 milliard so‘mni, Andijon viloyatida 123 milliard so‘mni, Navoiy viloyatida 82,1 milliard so‘mni tashkil etgan.
