Ko`zingizning oqu qorasi — aziz farzandingizni ba`zan opa-singlingizga ham ishongingiz kelmaydi. «Qo`lidan tushirib yuborsa-ya, qorni och qolsa-ya» degan hadikda bo`lasiz. Ammo majburiyat tufayli yoki vaziyat taqozosi bilan bolalarini o`zlari parvarish qilishga imkonsiz yosh onalar enaga yollashga majbur bo`lishadi. Xo`sh, bu borada nimalarga e`tibor berish kerak? Mavzu shu haqda.
ONAMI YoKI ENAGA?!
Ona o`z his-tuyg`usiga ishongan holda boladagi o`zgarishlarni sezadi. Enaga esa o`z tajribasi, olgan bilimlari va ko`nikmalariga suyanadi. Yoshi katta buvijonlarga har kuni kichik yoshdagi, balki oylik chaqaloqlarni tashlab ketolmaysiz. Ular ba`zan yig`isini eshitmay qolishlari, ba`zan esa o`ynab yuribdi-ku deb, nazoratni salgina susaytirishlari ham mumkin. Ammo mas`uliyatli buvilarimiz ham yo`q emas. Lekin baribir, agar sizda tanlash imkoni bo`lsa, volidangiz yoki qaynonangizga keksalik gashtini surishga izn bering-da, enaga xizmatini o`ylab ko`ring.
SURIShTIRUVNI BOShLAYMIZ...
Enaga yollash va unga haq to`lash bir muammo bo`lsa, farzandingizni ishonib topshiradigan insonni topishning o`zi mushkul. Axir birinchi uchragan kishiga kim ham o`z bolasini ishonardi. Bugungi kunda maxsus agentliklar enagalarni tavsiya qiladi. Ular xodimlarining, ya`ni o`zlari tavsiya qilgan enagalarning ish sifatiga kafolat berishadi. Lekin siz bu agentlik emas, balki dugonangiz tavsiya qilgan biror enagaga murojaat qilmoqchi bo`lsangiz, undan avvalgi ishlagan joyidan tavsifnoma olib kelishini so`rang. Ish faoliyati 1 yildan kam bo`lgan enagalarga yaxshisi murojaat qilmaganingiz ma`qul. Shuningdek, 20 yoshga to`lmagan va 55 yoshdan oshganlar ham bu lavozimga to`g`ri kelmaydi. Chunki birining hali tajribasi yo`q, ikkinchisi esa bola parvarishidan charchab qolishi mumkin.
TALABLARINGIZNI ANIQLAShTIRING
Enaga bilan avvaldan kelishuv, ya`ni bitim imzolab, talablaringizni ma`lum qiling. Masalan, bolangiz soat nechada uxlashi kerak, qachon ovqatlanadi, bir kunda qancha vaqt ochiq havoda sayr qilishi lozim. Agar ma`qul kelsa, enaga bolani istirohat bog`lariga, teatr va ko`ngil ochar maskanlarga ham olib borishi mumkin. Shuningdek, enaga tanlayotganda farzandingiz qo`shimcha bilim olishini istaysizmi yoki salomatligiga urg`u bergingiz kelayaptimi, shunga ham e`tibor qiling. Chunki enagalar pedagog yoki tibbiyot xodimlari ham bo`lishi mumkin.
KAMChILIKLARI BO`LSA-ChI?
Agar enaga sifatida uzoqroq qarindoshingiz yoki qo`shningizni tanlasangiz, munosabatlaringizni saqlab qolish uchun ayrim xatolariga ko`z yumishingizga to`g`ri keladi. Albatta, katta xatolar bundan mustasno. Shuning uchun bu borada juda e`tiborli bo`ling.
Iroda ASILBEKOVA tayyorladi.
26.09.2021, 17:45
O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...27.05.2021, 16:56
AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...14.11.2019, 18:36
O`zbekistonda FHDYo organlari hokimliklar tasarrufiga o`tkazilgach, faqatgina sha`riy nikoh bilan yashab kelgan 20 ming 350tadan ortiq oila aniqlanib, ularning nikohi qonuniylashtirildi.Bu haqda 13 noyabr kuni oila...23.12.2017, 17:11
Sayyora, 30 yosh, Jizzax viloyati: — Turmushga chiqqanimga o`n yil bo`libdi. Ikki farzandim bor. Qaynona-qaynotam bilan birga yashaymiz. Shu yillar ichida tinch, osoyishta, xotirjam yashaganimni...