Kim Chen In qizini voris sifatida e'lon qilishi kutilmoqda
Shimoliy Koreya rahbari Kim Chen In o'z qizi Kim Ju-eni mamlakat boshqaruviga tayyorlayotgani taxmin qilinmoqda.
Kim Ju-e so'nggi vaqtlarda Armiya kuni tadbirlari va Kumsusan Quyosh saroyiga tashrif kabi muhim davlat marosimlarida muntazam ishtirok etmoqda. Shuningdek, u ba'zi siyosiy masalalarni muhokama qilish jarayonlarida ham qatnashayotgani qayd etilgan. Bu haqda Zamon.uz nashri ma'lum qildi.
Razvedka ma'lumotlariga ko'ra, Kim Ju-e taxminan 2013 yilda tug'ilgan va Kim Chen In oilasida yana farzandlar borligi ham aytiladi.
Mutaxassislar Shimoliy Koreyadagi qat'iy siyosiy boshqaruv tizimi, Kim Chen Inning yoshi va sog'lig'i bilan bog'liq jiddiy muammolar yo'qligini hisobga olib, vorislik masalasida hali yakuniy xulosaga kelish erta ekanini ta'kidlamoqda.
Jizzax viloyati Baxmal tumanida yashovchi 51 yoshli fuqaro qonunga xilof ravishda o'z qishloq hududidagi tuman hokimligi zaxirasida turgan 2 gektar yer maydonini sotmoqchi bo'lgani aniqlandi.
Ichki ishlar vazirligi xabar berishicha, shaxs yerni 50 ming AQSh dollariga sotish bo'yicha kelishuvga erishgan va oldindan 400 million so'mni G'allaorol tumanida olayotgan paytda IIV xodimlari tomonidan ashyoviy dalillar bilan ushlangan. U yerni yuqori lavozimlarda ishlovchi tanishlari orqali dehqon xo'jaligi yuritish uchun ajratib berilishini va'da qilgan.
Hozirda usbu holat yuzasidan tergovgacha tekshiruv harakatlari olib borilmoqda.
Eslatib o'tamiz, avvalroq Namangan viloyati Pop tumanida hokim yordamchisi davlat zaxirasidagi 90 sotix yerni 4500 AQSh dollariga sotmoqchi bo'lgani haqida ham xabar berilgandi.
