JCH–2026 guruh bosqichining ikkinchi turidan o‘rin olgan O‘zbekistonga qarshi bahsda hisobni ochgan Ronaldu ko‘p o‘tmay yana bir bor raqib darvozasini ishg‘ol qilib, dubl muallifiga aylandi. Mazkur gollar nafaqat Portugaliyaning yirik g‘alabasiga hissa qo‘shdi, balki 40 yoshli hujumchi uchun tarixiy ahamiyat kasb etdi.
Gap shundaki, Ronaldu faoliyati davomida qatnashgan oltita Jahon chempionatining har birida gol urgan ilk futbolchiga aylandi. U 2006, 2010, 2014, 2018, 2022 va 2026 yilgi mundiallarda o‘z nomini to‘purarlar qatoriga yozdirib, yangi rekord o‘rnatdi.
Bu borada uning eng yaqin ta’qibchisi Argentina terma jamoasi sardori Lionel Messi bo‘lib, u beshta Jahon chempionatida gol urishga muvaffaq bo‘lgan.
Ma’lumot uchun, kecha, 23 iyun kuni O‘zbekiston milliy jamoasi Jahon chempionati guruh bosqichining ikkinchi turida Portugaliyaga qarshi maydonga tushdi va 5:0 hisobida mag‘lubiyatga uchradi. Uchrashuvda hisobni 6-daqiqada Krishtianu Ronaldu ochgan bo‘lsa, 39-daqiqada o‘zining ikkinchi golini kiritdi.
