ЖЧ–2026 гуруҳ босқичининг иккинчи туридан ўрин олган Ўзбекистонга қарши баҳсда ҳисобни очган Роналду кўп ўтмай яна бир бор рақиб дарвозасини ишғол қилиб, дубль муаллифига айланди. Мазкур голлар нафақат Португалиянинг йирик ғалабасига ҳисса қўшди, балки 40 ёшли ҳужумчи учун тарихий аҳамият касб этди.
Гап шундаки, Роналду фаолияти давомида қатнашган олтита Жаҳон чемпионатининг ҳар бирида гол урган илк футболчига айланди. У 2006, 2010, 2014, 2018, 2022 ва 2026 йилги мундиалларда ўз номини тўпурарлар қаторига ёздириб, янги рекорд ўрнатди.
Бу борада унинг энг яқин таъқибчиси Аргентина терма жамоаси сардори Лионель Месси бўлиб, у бешта Жаҳон чемпионатида гол уришга муваффақ бўлган.
Маълумот учун, кеча, 23 июнь куни Ўзбекистон миллий жамоаси Жаҳон чемпионати гуруҳ босқичининг иккинчи турида Португалияга қарши майдонга тушди ва 5:0 ҳисобида мағлубиятга учради. Учрашувда ҳисобни 6-дақиқада Криштиану Роналду очган бўлса, 39-дақиқада ўзининг иккинчи голини киритди.
