Xalqaro futbol federatsiyasi (FIFA) Jahon chempionati finalida Ispaniyaga qarshi o'yindan keyin Argentina terma jamoasi futbolchilarining xatti-harakatlari yuzasidan tekshiruv boshladi. Bu haqda EFE xabar berdi.
Final uchrashuvi qo'shimcha bo'limlarda Ispaniya terma jamoasining 1:0 hisobidagi g'alabasi bilan yakunlangan.
Uchrashuvdan keyin Argentina terma jamoasi futbolchisi Leandro Paredes avval Ispaniya himoyachisi Erik Garsiyaning bo'ynidan ushlagan, keyin esa yarim himoyachi Gavini turtib yuborgan. Shundan so'ng uni jamoadoshlari tinchlantirgan.
Yana bir bahsli holatda Argentina himoyachisi Nauel Molina Ispaniya terma jamoasi sardori Rodri g'alabani nishonlayotgan vaqtda uni yiqitishga urinani aytilmoqda.
Bundan tashqari, Argentina terma jamoasi murabbiylar shtabi a'zosi Roberto Ayala Ispaniya futbolchisi Dani Olmoning yuziga musht tushirishga urungan.
Taqlirlash marosimi vaqtida ham argentinalik futbolchilarning xatti-harakatlari muhokamalarga sabab bo'ldi. Ular Ispaniya terma jamoasiga yuz o'girib, shohsupa tomon yo'l olgan va o'z muxlslariga qo'llab-quvvatlagani uchun minnatdorchilik bildirgan.
Shu bilan birga, Ispaniya terma jamoasi futbolchilari kumush medallarni qabul qilish uchun shohsupaga ko'tarilayotgan argentinalik futbolchilarni hurmat ramzi sifatida yo'lakchada saf tortib kutib olgan.
FIFA tekshiruv natijalariga ko'ra, intizomiy choralar ko'rilishi mumkin.
