Bugungi kunda Respublikada 4893 ta maktabgacha ta`lim muassasasi mavjud bo`lib, shulardan 2931 ta maktabgacha ta`lim muassasasida ma`naviyat xonalari, 526 ta muassasada muzeylar faoliyat yuritmoqda, deb xabar beradi Xalq ta`limi vazirligi axborot xizmati.
Xalq ta`limi vazirligi har bir bolaning sifatli ta`lim olishiga hamda ularning o`z potensiali va rivojlanishini to`liq amalga oshirishiga katta ahamiyat berib kelmoqda. Xususan, maktabgacha ta`lim muassasalarida 3-6 yoshdagi bolalarning sifatli maktabgacha ta`lim va tarbiya olish imkoniyatlarini kuchaytirish, shuningdek, ota-onalar, aholi va jamoatchilikning bolalarga erta ta`lim berish va oilada erta kitob o`qishni tashkil etishning ahamiyati to`g`risida habardor qilish maqsadida tizimdagi barcha maktabgacha ta`lim muassasalari qoshida kichik kutubxonalar tashkil etilmoqda. Joriy yilda 1220 ta maktabgacha ta`lim muassasasi 50 nomdagi kitoblar bilan ta`minlanadi.
