2017 yilning 23 may kuni O`zbekiston Respublikasi Prezidenti Shavkat Mirziyoev Buyuk Britaniya va Shimoliy Irlandiya Birlashgan Qirolligi Bosh vaziri Tereza Mey nomiga Manchester shahridagi terrorchilik harakati oqibatida ko`plab insonlar halok bo`lgani munosabati bilan hamdardlik bildirib maktub yo`lladi.
Davlatimiz rahbari o`z maktubida halok bo`lganlarning oila a`zolari va yaqinlariga samimiy hamdarlik va dalda so`zlarini etkazishni so`radi, barcha jarohat olganlarga esa tez orada sog`ayishni tiladi.
Eslatib o`tamiz, 22 may kuni “Manchester Arena” stadionida konsert bo`layotgan vaqtda kuchli portlash sodir bo`ldi.
Sodir bo`lgan terakt 22 kishining hayotiga zomin bo`ldi. Polisiya bergan ma`lumotga ko`ra, qurbon bo`lganlar orasida bolalar ham bor. Yaralangan 59 nafar odam turli tan jarohati bilan kasalxonaga yotqizildi.
