​“Qarindoshlarim uchun chegaradan nima olib o`tsam bo`ladi?”

Savol-javob 28.06.2017, 15:30
Teglar: Savol-javob
​“Qarindoshlarim uchun chegaradan nima olib o`tsam bo`ladi?”

Qozog`istonning Turkiston shahrida ukam yashaydi. Har ikki-uch oyda ularni ko`rgani borganimda asal, yong`oq, magiz kabi eguliklar olib boraman, qaytishda ukamham choy, shirinliklar berib yuboradi. Lekin chegaradn o`tishda doim muammo bo`ladi. Ayting-chi, yaqinlarim uchun bunday sovg`a-salomlarni olib o`tish tartibi qanday?

Muhabbat Temirova, Shahrisabz shahri

B.RAIMOV, Davlat bojxona qo`mitasi raisining birinchi o`rinbosari:

— Bojxona kodeksining 155-moddasiga muvofiq, jismoniy shaxslar tomonidan shaxsiy ehtiyojlari uchun olib kiriladigan yoki olib chiqiladigan va tadbirkorlik faoliyati uchun mo`ljallanmagan tovarlar jismoniy shaxslar tomonidan notijorat maqsadlarda olib o`tiladigan tovarlar hisoblanadi. Bunday tovarlar bojxona chegarasi orqali soddalashtirilgan tartibda imtiyozlar qo`llanilgan holda olib o`tiladi.

Jismoniy shaxslar tomonidan bojxona chegarasi orqali olib o`tilayotgan tovarlarning qanday maqsadga mo`ljallanganligini aniqlashda tovarlarning miqdori, olib o`tishning takroriyligi, safarning maqsadi va uning davomiyligi kabilar hisobga olinadi.

Mazkur kodeksning 157-moddasiga muvofiq jismoniy shaxslar tomonidan notijorat maqsadlarda olib o`tilayotgan tovarlarga nisbatan tovarlarni qonun hujjatlarida belgilangan bojsiz olib kirish normasi va aksiz solig`i solinmaydigan olib kirish normasi doirasida bojxona to`lovlari qo`llanilmaydi.

"Jismoniy shaxslar tomonidan olib kiriladigan iste`mol tovarlarini tartibga solish choralari to`g`risida"gi PQ-1118 sonli qaroriga muvofiq 2009 yilning 2 iyunidan boshlab qo`shni davlatlardan (Qozog`iston, Qirg`iziston, Tojikiston, Turkmaniston, Afg`oniston) shaxsiy foydalanish uchun jismoniy shaxslar tomonidan O`zbekiston Respublikasiga bir yo`la olib kiriladigan import iste`mol tovarlarining boj to`lovlari olinmaydigan umumiy qiymati 10 AQSh dollarini tashkil etadi.

Shundan kelib chiqib, yuqorida qayd etilgan qonuniy talablarga rioya etgan holda, fuqaro tovarlarni notijorat maqsadida olib chiqishi va olib kirishi mumkin. O`z navbatida olib kirishda tovarlarning umumiy qiymati 10 AQSh dollaridan ortiq bo`lmasligi lozim, aks holda tovarlar uchun qonunchilikda belgilangan stavkalarda bojxona to`lovlari undiriladi.

Sharhlar

​Ishlasa-da, pensiyani kimlar 100 foiz oladi?

23.05.2017, 14:45

Nafaqadagi harbiy xizmatchiman. Shu vaqtgacha nafaqadagi harbiy xizmatchilar davlat ishxonalarida ishlasa, pensiyaning 50 foizi to`lanardi. Endi ayrim sohalarda ishlaydigan pensionerlarning pensiyasi 100 foiz to`lanishi haqida...
​Ish haqidan kommunal to`lov uchun ushlab qolish mumkinmi?

23.05.2017, 14:41

Qizim bolalar muruvvat uyida hamshira bo`lib ishlaydi. Biz kommunal to`lovlarni o`z vaqtida to`lab boramiz. Qarzdorlik bo`lmasa-da, qizimning ish haqidan kommunal to`lovlarga deb har safar 10...
​Teridagi hollar: 5 savolga-javob

10.05.2017, 11:54

Ko`pchilikni teri ustida bo`rtib chiqqan, no`xatdek keladigan hollarining ko`rinishi bezovta qiladi. Yapaloq ammo katta hollarga esa unchalik e`tibor berilmaydi. Aslida aynan yapaloq hollar muammo keltirishi...
​MEROS QANDAY RASMIYLAShTIRILADI?

06.05.2017, 11:41

Vafot etgan shaxs nomidagi avtomashinani qanday qilib merosxo`r nomiga rasmiylashtirish mumkin? Buning uchun qanday hujjatlar talab etiladi?A.A. Toshkent shahriD.YaKUBOVA, Adliya vazirligi Notariat, advokatura va FHDYo...