my5
all

Terining holatiga qarab umr davomiyligini bashorat qilish mumkin

Salomatlik 12.11.2013, 11:38
6414
Terining holatiga qarab umr davomiyligini bashorat qilish mumkin
Yosh ko`rinadigan ayollar ko`p hollarda uzoq yashaydi, deb yozadi “The Daily Mail” nashri. Gap shundaki, bunday ayollarda qon bosimi past bo`ladi. Bu insult va yurak xurujlari xavfini kamaytiradi. Umuman olganda esa, umrning davomiyligi bevosita terining qarish tezligiga bog`liq. Doktor Devid Ganning so`zlariga ko`ra, so`z ajinlar haqida emas, balki osilib qolgan teri haqida bormoqda. Aynan shu alomat bo`yicha yuqori qon bosimini bilish mumkin. 

Olib borilgan tadqiqot yurak va tomir kasalliklari xavfi past bo`lgan ayollar o`z yoshlariga qaraganda kamida 2 yilga yoshroq ko`rinishini isbotladi. Terining holati va umumiy salomatlik orasidagi bog`liqlik 63 yoshdagi 514 kishi misolida tahlil qilindi.
Shuningdek, mutaxassislar uzoq umr ko`ruvchi oilalardagi erkaklar 1,4 yilga yoshroq ko`rinishini ham aniqladi. Bunday oilalardagi erkaklarda ham, ayollarda ham qo`llarining yuqori qismi sohasida ajinlar miqdori kamroq bo`lgan. Hozir olimlar yosh ko`rinuvchi odamlar terisida nimalar yuz berishini aniqlamoqda. Balki, shu tarzda, uzoq umr ko`rish siri topilar. 

Шарҳлар