Evropa qit`asida jahon chempionati ishtirokchilarini aniqlash borasidagi saralash uchrashuvlari yakuniga etdi. Pley off bosqichida o`zaro kurash olib borgan to`rt juftlikda g`oliblar nomi aniqlandi.
Gresiya terma jamoasi safarda Ruminiya bilan durang o`ynadi va o`z uyidagi 3:1 hisobidagi g`alaba tufayli Braziliyaga yo`llanmani qo`lga kiritdi. Xorvatiya esa o`z uyida Islandiyani 2:0 hisobida mag`lub etdi.
Dramatik ko`rinishdagi uchrashuvlar Fransiya-Ukraina va Shvesiya-Portugaliya uchrashuvlarida ro`y berdi. Fransuzlar safarda 0:2 hisobida mag`lub bo`lganlariga qaramay, o`z uylarida Ukrainaga mutlaqo imkoniyat qoldirmadilar va 3:0 hisobida g`alabaga erishdilar.
Shvesiya-Portugaliya uchrashuvi esa tom ma`noda Krishtianu Ronaldu va Zlatan Ibrohimovichlarning qarama qarshiligiga aylanib ketdi. Bu kurashda esa portugaliyalik yulduz g`olib chiqdi. Zlatanning dubli Ronalduning xet trigi oldida ojiz bo`lib qoldi va Portugaliya terma jamoasi jahon chempionatiga yo`l oldi.
<iframe width="560" height="315" src="//www.youtube.com/embed/_dRBH28Eurc" frameborder="0" allowfullscreen></iframe>
