GRIPPGA QARShI EMLASh

Grippga chalinishning oldini olish choralaridan biri — emlash. Grippga qarshi emlanganlar orasida olib borilgan tadqiqotlarga ko`ra, emlashdan so`ng kasallikka chalinish xavfi 70-90 foizga kamayadi. Vaksina ta`siri sizni 1 yil davomida kasallikdan muhofaza qiladi.

• Grippga qarshi vaksinasiya odatda hamma joyda sentyabr oyidan e`tiboran boshlanadi. Yurtimizda ham grippga qarshi emlash ishlari boshlab yuborilgan va gripp mavsumi tugagunga qadar davom etadi.
• Bolalarni ham 6 oylikdan boshlab grippga qarshi emlatish mumkin. 6 oylikdan 3 yoshgacha bo`lgan bolalarga vaksinasiya 2 marta 1 oylik tanaffus bilan amalga oshiriladi. Masalan, farzandingizga oktyabr oyida grippga qarshi emlash olsangiz, 1 oydan so`ngra noyabrda yana takroriy emlash qilinadi, ya`ni 3 yoshgachan bo`lgan bolalar uchun yuboriladigan vaksina 2 ga bo`linib qilinadi. 3 yoshdan katta bo`lganlar esa 1 yilda 1 marta emlanadi.
• Emlashdan so`ng 3 hafta mobaynida organizmda kasallikka qarshi himoya tizimi ishlab chiqariladi. Bu paytda organizmda ba`zi surunkali kasalliklar qo`zg`alishi mumkin. Bunday noxushliklarning oldini olish uchun shifokor tomonidan albatta vaksinasiyadan oldin emlanuvchi shaxsning umumiy salomatligi tekshirilib, shunga ko`ra vaksinasiya qilish-qilmaslik belgilanadi. Ya`ni, emlanadigan kishi shamollash, nafas olish yo`llari yallig`lanishi kabi kasalliklardan tamoman sog`lom bo`lishi kerak. Shuningdek, vaksina tarkibidagi komponentlarga nisbatan allergik ta`sirchanlik darajasi ham tekshiriladi.
• Katta yoshli kishilar, homiladorlar, 5 yoshgacha bo`lgan bolalar va ko`p sonli odamlar bilan ishlaydigan kasb sohiblariga grippdan emlanish tavsiya qilinadi.
• Grippga qarshi vaksinasiyaga qilishga qarshi ko`rsatmalar yo`q, ya`ni bu vaksinasiya turi hammaga qilishini mumkin. Ammo shunga qaramay albatta shifokor bilan maslahatlashgan holda, organizmning o`zga xos xususiyatlarini o`rgangan holda, vaksinasiya qilsh lozim.
• Manba: «SUG‘DIYONA» gazetasi.