Гриппга чалинишнинг олдини олиш чораларидан бири — эмлаш. Гриппга қарши эмланганлар орасида олиб борилган тадқиқотларга кўра, эмлашдан сўнг касалликка чалиниш хавфи 70-90 фоизга камаяди. Вакцина таъсири сизни 1 йил давомида касалликдан муҳофаза қилади.
- Гриппга қарши вакцинация одатда ҳамма жойда сентябрь ойидан эътиборан бошланади. Юртимизда ҳам гриппга қарши эмлаш ишлари бошлаб юборилган ва грипп мавсуми тугагунга қадар давом этади.
- Болаларни ҳам 6 ойликдан бошлаб гриппга қарши эмлатиш мумкин. 6 ойликдан 3 ёшгача бўлган болаларга вакцинация 2 марта 1 ойлик танаффус билан амалга оширилади. Масалан, фарзандингизга октябрь ойида гриппга қарши эмлаш олсангиз, 1 ойдан сўнгра ноябрда яна такрорий эмлаш қилинади, яъни 3 ёшгачан бўлган болалар учун юбориладиган вакцина
- Эмлашдан сўнг 3 ҳафта мобайнида организмда касалликка қарши ҳимоя тизими ишлаб чиқарилади. Бу пайтда организмда баъзи сурункали касалликлар қўзғалиши мумкин. Бундай нохушликларнинг олдини олиш учун шифокор томонидан албатта вакцинациядан олдин эмланувчи шахснинг умумий саломатлиги текширилиб, шунга кўра вакцинация қилиш-қилмаслик белгиланади. Яъни, эмланадиган киши шамоллаш, нафас олиш йўллари яллиғланиши каби касалликлардан тамоман соғлом бўлиши керак. Шунингдек, вакцина таркибидаги компонентларга нисбатан аллергик таъсирчанлик даражаси ҳам текширилади.
- Катта ёшли кишилар, ҳомиладорлар, 5 ёшгача бўлган болалар ва кўп сонли одамлар билан ишлайдиган касб соҳибларига гриппдан эмланиш тавсия қилинади.
- Гриппга қарши вакцинацияга қилишга қарши кўрсатмалар йўқ, яъни бу вакцинация тури ҳаммага қилишини мумкин. Аммо шунга қарамай албатта шифокор билан маслаҳатлашган ҳолда, организмнинг ўзга хос хусусиятларини ўрганган ҳолда, вакцинация қилш лозим.
- Манба: «SUG‘DIYONA» газетаси.
