Sevimli

KIChKINTOYLAR UChUN TAOMNOMA TUZAMIZ!

SUG'DIYONA 10.10.2017, 14:24
Teglar: Salomatlik
KIChKINTOYLAR UChUN TAOMNOMA TUZAMIZ!

Kichkintoy yoshiga etgach, onalarni «qanday ovqatlantirsam ekan?» degan savol o`ylantiradi. Bolaning birinchi yoshidagi tanovuli kelgusidagi rivojlanish jarayoniga ta`sir etadi. Aynan mana shu vaqtdan boshlab bolalar taomnomasini foydali mahsulotlar bilan to`ldirib borish kerak. Biroq bu ishni qadamma-qadam bajarish kerakligini ham unutmang. Zero, bola organizmi hali yosh, unga ortiqcha kaloriyalar bilan bosim o`tkazish sog`lig`i uchun zararli. Yoshiga etgan bolaga qanday mahsulotlar foydaliligi haqida bilishni istasangiz, suhbatimizga qo`shiling.

Ovqatlanish tartibi

Yoshiga to`lgan bola ruhiyatida eguliklarni rangi, ko`rinishi va mazasiga ko`ra ajratish holati mavjud. Shu sabab shokolad va rang-barang konfetlar bolalar diqqatini tezda jalb qiladi. Bolangiz uchun kun davomida iste`mol qilinadigan mahsulotlarni uning harakatiga ko`ra tuzib chiqing (o`ynash vaqti, uxlash mahali, uyqudan so`ng kabi) Shunda taomnomaga qo`shilgan yangi mahsulotlar bola oshqozoniga og`irlik qilmay, yaxshi hazm bo`ladi. Bir kunlik ovqatlanish tartibi quyidagi bo`lishi mumkin:

  • Birinchi nonushta: iloji boricha sutli aralashma (quruq aralashma ko`rinishidagi tayyor bo`tqalar) bo`lsin. Agar bolangiz hali ham emizikli bo`lsa, ona sutidan foydalanish mumkin.
  • Ikkinchi nonushta: guruchli yoki manniy yormasidan tayyorlangan sutli bo`tqalar.
  • Tushlik: suyuq va quyuq ovqatlarni ketma-ketlikda bering. Bir gal yog`siz sabzavotli sho`rva bo`lsa, yana birida bug`da tayyorlangan go`shtli taom bo`lishi lozim.
  • Tushlikdan keyingi tanovul: bu vaqtda bolangiz uyqudan uyg`onib, qorni biroz ochiqqan bo`ladi. Unga mevali bo`tqa yoki tovorog va yog`siz smetana aralashmasidan berishingiz mumkin.
  • Kechki ovqat: kattalar uchun tayyorlangan taomlarning hammasi ham 1 yoshli bolaga to`g`ri kelavermaydi. Unga engil hazm bo`luvchi kartoshka bo`tqasi, go`shtli teftel yoki bug`da tayyorlangan kotlet kabi taomlardan berish mumkin.

! Bolakayga taomnoma tuzayotganda mahsulotlar tarkibida tuz miqdori kamroq bo`lishiga ahamiyat bering.

  • Manba: «SUGDIYONA» gazetasi.

Sharhlar

Buyrak xastaliklari kimlarda ko`proq uchraydi? Shifokor javob berdi

06.08.2021, 17:47

CCV Matbuot xizmati buyrak etishmovchiligi qanday xastalik ekani va uni bartaraf etishda mamlakatimiz tibbiyoti nimalarga qodirligi haqida Respublika shoshilinch tibbiy yordam ilmiy markazi bo`lim rahbari,...
YuTINGANDA QULOQ OG`RIG`I?!

26.12.2017, 13:12

— Uch yashar o`g`lim ovqat chaynab yutayotganida qulog`ini ushlab, og`riyotganini aytdi. Shifokorga ko`rsatsam, otit deb tashxis qo`ydi. Bu qanday kasallik? Uni uyda davolasa bo`ladimi? Nazira...
DIATEZ QAYTALAMASIN DESANGIZ…

26.12.2017, 13:08

— Emizikli chaqalog`im ekssudativ diatez kasalligi bilan og`rigandi. Hozir sog`aygan bo`lsa-da, ayrim taomlarni iste`mol qilganimda uning badanida qizg`ish dog`lar paydo bo`ladi. Go`dakda diatez qaytalamasligi uchun...
FARZANDINGIZNI MAKTAB KASALLIKLARIDA ASRANG!

26.12.2017, 11:36

Uzoqni ko`ra olmaslik;skolioz (umurtqa pog`onasining qiyshayishi);gastrit;ruhiy-asab tizimi buzilishlari kabilarni maktab kasalliklari sirasiga kiritish mumkin. Statistikaga ko`ra, har besh bolaning biri umurtqa pog`onasi muammolaridan qiynalsa, har...