Kasalliklarning oldini olish uchun sovuq kunlarda kunjut yog`i iste`mol qilish tavsiya etiladi. Ayniqsa, ayollar salomatligi, klimaks davri oson kechishi uchun foydali.
- Milklarni mustahkamlash uchun: har kuni og`zingizga yarim choy qoshiq kunjut yog`i solib, 10 daqiqadan keyin tuflab tashlang. Bunday muolajadan so`ng og`zingizni tuzli suvda chaying.
- Shamollashda: burningizga kuniga bir necha marta 3-4 tomchi kunjut yog`i tomizing. Uyquga ketishdan avval ko`krak qafasi va oyoq tovonlariga kunjut yog`i surting.
- Balg`amli yo`talda: kuniga 2 mahal ko`krak qafasi va elkani kunjut yog`i bilan uqalang.
- Bronxial astmada: har kuni 1 mahal 1 osh qoshiq kunjut yog`i iching.
- Mastitda: dokani bir necha qavat qilib, kunjut yog`iga botiring va ko`krakning shikastlangan joyiga qo`ying.
Teri qichishganda: bir choy qoshiq aloe va uzum sharbatini aralashtirib, 1 choy qoshiq kunjut yog`i qo`shing-da, teriga surting.
Mumkin emas: qon quyulishi yuqori, tromb hosil bo`lish xavfi bo`lgan kasalliklar, qon tomirlari varikozi bilan og`riganlar kunjut yog`i iste`mol qilishdan avval shifokor bilan maslahatlashishi zarur.
Unutmang! Yog` 100 darajadan yuqori haroratda qizdirilganda tarkibida akralamid — kanserogen modda hosil bo`ladi. Shu bois ovqatni qovurishdan avval yog`ni tutatib qizdirib olish o`zingiz va yaqinlaringiz salomatligi uchun xavfli!
Manba: «SUG‘DIYONA» gazetasi.