— Ishga joylashganimda soatbay bo`lib rasmiylashtirilganman. Ayting-chi, ushbu holatda soatbaylik ish stajiga yoziladimi?
Nigora Po`latova, Qashqadaryo viloyati
Advokat Nafisa IBRAGIMOVA: — Ish beruvchi bilan xodim o`rtasidagi mehnat munosabatlari mehnat shartnomasi asosida tartibga solinadi. Shartnomada xodimga to`lanadigan ish haqining turlari ko`rsatiladi. Mehnat munosabatlarini shartnoma asosida rasmiylashtirilishining o`zi shartnoma muddati davriga mehnat stajini keltirib chiqaradi. Bunga ko`ra, mehnat shartnomasi asosida olib borayotgan faoliyatingiz to`lanayotgan ish haqi turidan qat`i nazar mehnat stajiga kiradi.
Manba: «SUG‘DIYONA» gazetasi