Yuz teringiz quruq bo`lsa, yog`li qatiqni biroz ilitib, yuzingizga surting-da, engil ishqalang. So`ng iliq suvda chayib olasiz.
2 osh qoshiq qatiqqa 1 choy qoshiq dengiz tuzini aralashtirsangiz skrab hosil bo`ladi. Mazkur vositani yuzga ham badanga ham ishlatishingiz mumkin.
2 choy qoshiq quruq ko`k choyni 2 osh qoshiq qatiqqa aralashtirib, yuzingizga surting-da, 15 daqiqadan so`ng yuvib oling. Ushbu niqob yuz terisini oqartiradi.
Yarim piyola qattiqqa shuncha miqdorda qaynatib ilitilgan suvni aralashtiring. hosil bo`lgan aralashmaga qo`lingizni botirib, 10 daqiqa ushlab turing. Qatiqli vannachka qo`l terisini yumshatib, tirnoqlarni mustahkamlaydi.
Quruq sochlarga – bitta tuxum sarig`i, 1 choy qoshiq kanakunjut moyi va 3 osh qoshiq qatiqni aralashtirib, soch ildiziga surting. 25 daqiqadan so`ng iliq suvda chayib olasiz.
haftada bir marta soch ildiziga qatiq surtib, engil uqalash yordamida sochlarni ham oziqlantirasiz, boshdagi qon aylanishini ham yaxshilashga erishasiz. Qatiqli muolajadan so`ng limon sharbati aralashtirilgan suvda sochingizni chaysangiz, tovlanib turadi.
3 osh qoshiq qatiqqa 2 osh qoshiq ivitilgan xamirturushni qo`shing. Niqobni soch ildizidan uzunasiga qarab surtib chiqing. 20 daqiqadan keyin esa yuvib olasiz. Mazkur niqob to`kiluvchan va sinuvchan sochlarni hayotga qaytaradi.Manba: «SUG‘DIYONA» gazetasi
