— Men bundan bundan 3 yil oldin rasman nikohdan o`tmasdan uylangan edim, 1 yil yashab ajrashib ketdik. Sobiq turmush o`rtog`im o`sha paytda mendan farzandli bo`ldi. Endilikda oradagi ikki yilga aliment to`laymanmi?
Konstitusiyamizning 64-moddasiga muvofiq ota-onalar o`z farzandlarini voyaga etgunlariga qadar boqish va tarbiyalashga majburdirlar.
Oila kodeksining 64-moddasiga ko`ra o`zaro nikohda bo`lmagan shaxslardan tug`ilgan bolalar o`zaro nikohda bo`lgan shaxslardan tug`ilgan bolalar bilan teng huquq va majburiyatlarga ega.
Ushbu Kodeksning 99-moddasida voyaga etmagan bolalariga ta`minot berish majburiyatini ixtiyoriy ravishda bajarmagan ota (ona)dan sudning hal qiluv qaroriga yoki sud buyrug`iga asosan aliment undirilishi belgilangan.
Kodeksning 136-moddasiga asosan aliment sudga murojaat etilgan paytdan boshlab undiriladi.
Agar ta`minot uchun mablag` olish choralari sudga murojaat qilingunga qadar ko`rilganligi, ammo aliment to`lashi shart bo`lgan shaxsning uni to`lashdan bosh tortganligi oqibatida aliment olinmaganligi sud tomonidan aniqlansa, o`tgan davr uchun aliment sudga murojaat etilgan paytdan boshlab uch yillik muddat doirasida undirib olinishi mumkin.
https://t.me/huquqiyaxborot
