Tadbirda Milliy biofarmatsevtika ilmiy-tadqiqot instituti
hamda AQSh va Qatarda faoliyat yurituvchi "Novel Therapeutics" kompaniyasi vakillari ishtirok etib, sohaga oid xalqaro tajriba va zamonaviy yondashuvlar bilan o‘rtoqlashdi.
Mutaxassislar dori vositalarini yaratishda sun’iy intellektdan foydalanishning yangi tendensiyalari, ilmiy tadqiqotlar samaradorligini oshirish imkoniyatlari hamda bio-farmatsevtika sohasining istiqbolli yo‘nalishlari yuzasidan fikr almashdi.
Shuningdek, institutda olib borilayotgan tadqiqotlarni xalqaro tajriba bilan uyg‘unlashtirish, innovatsion ishlanmalarni amaliyotga joriy etish va yangi avlod dorilarini yaratish masalalari muhokama qilindi.
Tadbir soha olimlari, tadqiqotchilar va talabalar uchun xalqaro ekspertlar bilan tajriba almashish, yangi bilim va ko‘nikmalarni olish hamda ilmiy hamkorlikni kengaytirishda muhim maydon bo‘lib xizmat qildi.
