Markaziy bank 5 dekabrdan e`tiboran qimmatbaho metallardan tayyorlangan tangalarining sotish narxlarini belgiladi.
Unga ko`ra, oltin tanganing narxi 100 000 so`mga, kumush tanganing narxi esa 5000 so`mga oshib, quyidagi ko`rinishga keldi:
1 dona oltin tanganing sotish narxi – 12.800.000,00 so`m;
1 dona kumush tanganing sotish narxi – 241.000,00 so`m.
Sotuvga 1994-2009 yillarda zarb etilgan, 2 xil oltin hamda 14 xil kumush esdalik tangalari qo`yilgan bo`lib, ularning asillik darajasi 999,9 hamda og`irligi 31,1 grammdan iborat.
Ma`lumot uchun, sotuvga jami 1900 dona oltin hamda 6900 dona kumush esdalik tangalari qo`yilgan bo`lib, ularning narxi Markaziy bank tomonidan har haftada milliy valyutada belgilanadi.