O`zbekiston Respublikasi Markaziy banki 2018 yil 26 martdan boshlab valyuta operasiyalari bo`yicha buxgalteriya hisobi, statistik va boshqa hisobotlarni yuritish, shuningdek, bojxona va boshqa majburiy to`lovlari uchun xorijiy valyutalarning so`mga nisbatan quyidagi qiymatini belgiladi.
Unga ko`ra, 1 AQSh dollari o`tgan haftadagi kursga nisbatan 29 so`m 65 tiyinga qimmatlashib, 8419 so`m 62 tiyinga etgan.
Evro kursi esa 47 so`m 28 tiyinga arzonlashib, 9444 so`m 29 tiyinni tashkil etmoqda.
Bir Rossiya rubli esa 1 so`m 58 tiyinga arzonlashib, 128 so`m 14 tiyinga etgan. 1 Buyuk Britaniya funt sterlingi 110 so`m 70 tiyinga arzonlashib, 10 971 so`m, 61 tiyinni tashkil qilmoqda.
Ma`lumot uchun, valyuta qiymatini belgilash chog`ida O`zbekiston Respublikasi Markaziy banki mazkur valyutalarni ushbu qiymatda sotish yoki sotib olish majburiyatini olmagan.
