Ayni paytda prokuratura yordami bilan mehnatkashlarning huquqlari himoyasi borasida samarali ishlar olib borilmoqda. Xususan ayrim korxonalarda rahbariyatning mas`uliyatsizligi natijasida ishchi-xizmatchilarning oylik maoshlarini o`z vaqtida to`lab berilishi ta`minlanmasligiholatlari uchrab turibdi. Bu sababli ishchilar vaqi o`tkazib, ko`p sarson bo`lishmoqda.
Shunday holat Beshariq tumanida kuzatildi. Ya`ni tuman prokuraturasining yordami bilan «BESHARIQTEKSTIL» AJdan 584 nafar xodimlar foydasiga 662.881.982 so`m ish haqi undirib berildi. Bu haqda prokuror yordamchisi, Mirzaaxror Hasanov xabar berdi.
Tuman prokurori nomiga «BESHARIQTEKSTIL» AJ Buyuk Britaniya qo`shma korxonasining bir necha xodimlari «BESHARIQTEKSTIL» AJ uzoq vaqtdan buyon ularga ish haqi to`lamasdan kelayotgani, shu sababli ushbu ish haqini undirishda amaliy yordam so`rab, murojaat qilgan edi.
Murojaat asosan o`tkazilgan tahlilga ko`ra, «BESHARIQTEKSTIL» AJ 2019 yilning yanvar oyidan 2019 yilning aprel oyiga qadar 584 nafar xodimlarga ish haqi to`lanmagani aniqlandi.
Beshariq tuman prokurorining fuqarolik ishlari bo`yicha O`zbekiston tumanlararo sudiga yuqoridagi xodimlar foydasiga ish haqi undirish haqida kiritgan arizasiga asosan «BESHARIQTEKSTIL» AJdan jamiyatning 584 nafar xodimlari foydasiga jami 662.881.982 so`m ish haqi undirish to`g`risida sud buyrug`i chiqarildi.
Majburiy ijro byurosi Beshariq tuman bo`limi tomonidan olib borilgan majburiy ijro harakatlari davomida, qarzdorga tegishli mulklar ro`yxatga olingan va auksion savdolariga chiqarilgan.
Auksion savdolarida sotilgan mol-mulklar hisobidan 20.12.2019 yilda jamiyat xodimlarining plastik hisob raqamlariga ish xaqlari to`liq o`tkazib berilib, xodimlarning buzilgan mehnat huquqlari tiklandi.
