Ijtimoiy tarmoqlarda «Tashkent Trade Center» xususiy korxonasiga qarashli poytaxtning yirik savdo markazilaridan biri — sobiq «Abu-Sahiy» bozoridagi mato sotishga mo`ljallangan 1-blokidagi do`kon egalari va ijarachilarning ma`muriyat oldiga ommaviy to`planib, norozilik bildirishlari aks etgan video tarqaldi.
«Tashkent Trade Center» mazkur masalaga oydinlik kiritdi.
Unga ko`ra, bir muddat avval, O`zbekiston Respublikasi FVV YoXBB Toshkent shaxar Yong`in xavfsizligi Boshqarmasi tomonidan 1-blok xududida joylashgan savdo do`konlarining yong`inga qarshi xolatini o`rganilishi natijasida, yong`in sodir bo`lishiga sabab bo`luvchi bir qancha kamchiliklar aniqlandi. Bunga ko`ra, mazkur xolatni oldini olish maqsadida, 1-blok xududida rekonstruksiya ishlarini amalga oshirish zaruriyati to`g`risida «Tashkent Trade Center» XKga xulosa taqdim etildi.
Jumladan, korxonada doimiy faoliyat olib boruvchi «Yong`in xavfsizligi bo`limi» tomonidan ham 1996-1997 yillarda, 700 ga yakin temir konteynerlardan 14-15 m2 xajmdagi barpo etilgan 1-blok xududidagi savdo do`konlarini muntazam o`rganishi mobaynida yuqoridagi kamchiliklar o`z tasdig`ini topgan. Ushbu muammolarni bartaraf etishi yuzasidan tegishli choralar ko`rish rejasi doirasida 1-blokdagi do`konlarni o`rniga yangi, zamon talablariga to`liq javob beradigan savdo majmuasini tashkil etib, rekonstruksiya ishlaridan sung, mulkdorlarga qayta topshirish rejalashtirilgan edi.
Shundan so`ng, korxona ma`muriyatining yong`in xavfsizligini ta`minlash xamda bozor xududini zamonaviy kurinishga olib kelishga qaratilgan rejasi amalga oshgunga kadar 1-blokdagi “konteyner do`konlar”ning ish faoliyatini vaktincha to`xtatib, ularni qayta rekonstruksiya qilish masalalarini ko`rib chiqayotgani va tegishli takliflar urganilayotganligi haqida mulkdorlar ogohlantirildi.
2019-yilning dekabr oyiga kelib, “Tashkent Trade Center” hususiy korxonasi tomonidan bozor hududida yangi, zamon talablariga to`liq javob beradigan 700 ta savdo do`konlarini (omborxonali) o`z ichiga olgan savdo majmuasining qurilishini yakunladi. Rekonstruksiya qilinishi rejalashtirilgan 1-blok mulkdorlariga, blok xududida zamonaviy savdo do`konlarini qurib bitqazgungka kadar, ta`kidlab o`tilgan yangi majmua er to`lasidan vaqtincha foydalanish uchun do`konlar berish taklif etilgan. Er to`la deganda, biz bilgan va hayolga keltirgan “podval” emas, aksincha, barcha qulayliklarga ega — issitish va sovutish tizimi hamda boshqa sharoitlari mavjud bo`lgan shinam do`konlar nazarda tutilgan. Majmua keng va yorug`, yuklarni tashish uchun qulay lift hamda eskalatorlar bilan jixozlanganligini anglash kiyin emas.
1-blokda rekonstruksiya ishlari yakunlangandan so`ng, mulkdorlarga o`ringa-o`rin o`z omboriga ega savdo do`konlarini taqdim etish xam ko`zda tutilgan edi.
«Mato bozori»ning mulkdorlari xamda ijarachilari esa, bu taklifga ko`nmadi. Tadbirkorlar bozor ma`muriyatiga do`konlarni bosqichma-bosqich qurishni, avval 10 ta do`konni qurib, keyin qolganlariga o`tishni ham taklif qilishdi. Lekin bozor ma`muriyati shuni rasman ma`lum qiladiki, yangi savdo majmuasini qisman yoki bo`lib-bo`lib qurib bo`lmaydi. Sababi, bir qurilish binosi yagona tizim va aniq rejaga tayangan smeta asosida amalga oshiriladi.
Bundan tashqari, 1-blok savdogarlari tomonidan, yangi barpo etilgan savdo majmuasining 1-kavatidan vaktincha dukonlar ajratib berilishi taklifi xam ilgari surildi. Bunga javoban ma`lum qilamizki, korxonamiz tomonidan 1-kavatdagi dukonlarni 1-blok xududidagi savdo dukonlari xisobidan kelib chikkan xolda, taksimlash imkoniyatiga ega emas. Shu bilan birga, 1-blok xududini qayta qurib bitkazish ishlari rejalashtirilishi jarayonida, yangi barpo etilgan savdo majmuasining pastki qavatidan aynan 1-blok mulkdorlari foydalanib turishlari uchun 18-20 m2 xajmdagi do`konlar qurildi. 1-blok xududini vaqtincha ko`chirish ishlarida sig`im yuzasidan muammo kelib chiqmasligi uchun mazkur do`konlarni korxona tomonidan sotish yoki ijaraga berish ishlari umuman amalga oshirilmadi.
Shuningdek, “Tashkent trade center“ hususiy korxonasi rasman shuni ma`lum qiladiki, Prezidentimiz Shavkat Miromonovich tomonidan olib borilayotgan isloxotlar doirasida tadbirkorlar uchun yaratilayotgan keng imkoniyatlarni qo`llab-quvvatlab, qanday xolatda erkin savdo qilish qulay bo`lsa, shu sharoitni qonuniy yaratib berishga tayyor.
Shuningdek, Korxona tomonidan bozor hududida tadbirkorlik faoliyati bilan shug`ulanish istagini bildirgan, irqi, millati, tili, ijtimoiy kelib chiqishidan qat`iy nazar har bir fuqaro bilan O`zbekistonda amalda bo`lgan qonunchilik asosida teng sharoit va teng raqobat muhiti yaratib kelingan.
