Andijonda 8 yoshli qizaloqni poezd urib yubordi. Poezd harakatlanayotgan vaqtda qizaloq nazoratsiz qoldirilgan.
Andijon viloyatida poezd urib yuborgan 8 yoshli qizaloqning ahvoli o`ta og`irligi aytilmoqda. Bu haqda «Bu kun» dasturida xabar berildi.
Ma`lum qilinishicha, holat 28 aprel kuni soat taxminan 16:30 larda Andijon tumanining «Do`ngqishloq» mahallasi hududidan o`tuvchi Xonobod—Andijon yo`lovchi tashuvchi poezd yo`lida sodir bo`lgan. Poezd harakatlanayotgan vaqtda nazoratsiz qoldirilgan 2016 yilda tug`ilgan qizaloqni urib yuborgan.
Qizaloq boshidan jarohat olib, hushsiz holatda zudlik bilan shifoxonaga olib kelingan. Unga jarrohlik amaliyoti ko`rsatilib, davo muolajalari olib borilmoqda. Hozirda ahvoli o`ta og`ir.