Oltiariqlik fermer o`zining fermer xo`jaligida uzum etishtirib, uning eksportidan 420 ming dollar foyda ko`rdi.
Bu inson “MY GARDEN” fermer xo`jaligi rahbari A.Abdurahmonovdir. Uning aytishicha xo`jalikka tegishli 8 gektar er maydonining 2 gektarida limon, 5 gektarida uzum, yana 1 gektarida esa Turkiyadan keltirilgan yong`oq etishtirilmoqda. Fermer xo`jaligida etishtirilgan “Kelinbarmoq” navli uzum hosilini Rossiya va Qozog`iston davlatlariga 420 ming dollarlik eksport qilgan.
Xo`jalik rahbari endilikda 21 nafar ishchi-xodimlari bilan tarmoqni yanada rivojlantirish harakatida.