Ruslan Nuriddinov ham #safehands_challenge chellenjiga qo`shildi.
Dunyodagi bir qator rivojlangan mamlkatlarda epidemiologik vaziyat tufayli yuzaga kelgan holatlarni ko`rib, to`g`risi, odam xavotirga tushadi. Yaxshiyamki bizning hududlarimizda kasallik Italiya, Ispaniya va boshqa davlatlardagi kabi keng tarqalmagan. Ammo bu degani xotirjamlikka berilish, tibbiyot xodimlarining o`ziga hamma mas`uliyatni tashlab qo`yish kerak degani emas. Epidemiya keng yoyilishining oldini olishga barcha birdek o`z hissasini qo`shishi kerak.
Shu munosabat bilan bugungi kunda turli soha vakillari, tadbirkorlar, sa`takorlar, jurnalistlar, sportchilar ham qo`lidan kelgancha vatandoshlarimizning ogohligini oshirishga, O`zbekiston hukumatini va tibbiyotini pandemiya bilan kurashda baholi qudrat qo`llab-quvvatlashga harakat qilmoqda.
O`zbek sportining faxri, 2016 yilgi Olimpiada o`yinlari g`olibi, 2013 yilgi jahon chempioni, 2018 yilgi Osiyo o`yinlari chempioni, ikki karra Osiyo chempioni, «O`zbekiston iftixori» faxriy unvoni sohibi Ruslan Nuriddinov ham O`zbekiston yoshlar ittifoqi tomonidan ilgari surilgan tashabbusni qo`llab-quvvatladi va #safehands_challenge chellenjida ishtirok etdi. U yurtdoshlarimizni giginegaga amal qilishga, karantin talablariga qat`iy rioya qilishga chaqirdi. Video: