Tailand qiroli 20 nafar kanizagi bilan mehmonxonaga izolyasiya qilindi

Tailand qiroli Maxa Vachiralongkorn Bavariyadagi Grand Hotel Sonnenbichl mehmonxonasining barcha nomerlarini band qildi. Mehmonxona Alp tog`lari yaqinidagi Garmish-Partenkirxen kurortida joylashgan. Bu haqda effekt internet nashri yozmoqda.
Ma`lum bo`lishicha, qirol izolyasiyaga bir o`zi emas, 20 nafar kanizakdan iborat bo`lgan haram bilan birga joylashgan.

Germaniyaga kirish hamda chiqish taqiqlangan bo`lsa ham, Tailandning 67 yoshli qiroli uchun maxsus ruxsatnoma berilgan. Alp kurortlaridagi barcha uy va mehmonxonalar koronavirus infeksiyasi tarqalishi bilan aloqador holatda yopiq bo`lishiga qaramay, mehmonxona qirol va uning harami uchun ochib berilgan.

Ma`lumot uchun, ayni vaqtda Tailandda ham koronavirus avj olgan, uni yuqtirib olganlar soni 1388 nafar insonni tashkil qilmoqda.