Bugun huquqshunos bloger Xushnudbek Xudoyberdiev Qashqadaryoga 100 qop un etkazdi.
X.Xudoyberdiev yuborgan un mahsuloti Chiroqchi tumanidagi homiylik xayriyalarini muvofiqlashtirish markaziga olib kelindi. Bu yuk talab darajasidagi dizenfeksiya qilingandan so`ng, bir qator boshqa oziq-ovqat mahsulotlari ham qo`shilgan holda olis qishloqlardagi ehtiyojmand oilalarga etkaziladi. Bu haqda Qashqadaryo viloyat hokimligining matbuot xizmati rahbari Ahror Sodiqov xabar berdi.
"Sinovli kunlardagi birdamlik uchun viloyat hokimligi Xushnudbek Xudoyberdievga o`z minnatdorchiligini bildiradi", deyiladi xabarda.
Avvalroq ham bloger «O`zbekiston Mehr-shafqat va salomatlik» jamoat fondiga 30 million so`m o`tkazgani ma`lum qilingan edi.
