14 may kuni xorijdagi hamyurtlarimizni olib kelish uchun yana bir charter reys tashkil etiladi. Bu haqda tashqi mehnat migrasiyasi agentligi ma`lum qildi.
14 may kuni tashkil etiladigan charter reys Toshkent — Sankt-Peterburg –Toshkent yo`nalishida bo`lib, maxsus reysni amalga oshirgan samolyot soat 08:35 poytaxtimiz aeroportiga qo`nadi.
Parvozga konsullik muassasalari tomonidan yurtimizga qaytuvchi fuqarolar ro`yxatga olinadi hamda Uzbekistan Airways aviakompaniyasiga taqdim etiladi va ushbu ro`yxat asosida fuqarolar samolyot bortiga kiritiladi.
Ro`yxatga birinchi navbatda bemorlar, yosh bolali va homilador ayollar hamda keksa yoshdagi fuqarolar, shuningdek bekor qilingan doimiy aviaqatnovlarga chipta xarid qilgan fuqarolar qo`yiladi.
Chiptalarni fuqarolar parvozdan 4 soat oldin xorijiy mamlakatlarning xalqaro aeroportlaridagi Uzbekistan Airways aviakompaniyasining kassalaridan olishlari mumkin bo`ladi.
O`zbekistonga qaytgan barcha fuqarolar 14 kundan kam bo`lmagan muddatga karantin markaziga joylashtiriladi.