Озарбайжон Республикаси Президенти рафиқаси билан молхонага айлантирилган масжидга оёқяланг кириб, унинг деворларини ўпди

ДУНЁ 24.11.2020, 21:59
Теглар: Озарбайжон
Озарбайжон Республикаси Президенти рафиқаси билан молхонага айлантирилган масжидга оёқяланг кириб, унинг деворларини ўпди

 

Озарбайжон Республикаси Президенти Илҳом Алиев ва вице-президент – мамлакат биринчи хоними Меҳрибон Алиева Арманистон томонидан босиб олинган ва 9 ноябрда уч тарафлама сулҳ (Россия – Владимир Путин, Озарбайжон – Илҳом Алиев, Арманистон – Никол Пашинян – таҳр.) сабаб Озарбайжонга қайтарилган Ағдам шаҳрида бўлиб, XIX асрга оид тарихий масжидда бўлдилар, дея хабар бермоқда Qalampir.uz.

Хабарда маълум қилинишича, энг аввало, Президент Илҳом Алиев шаҳрининг масжидга яқин ҳудудига ўрнатилган Озарбайжон байроғи қаршисида тиз чўкиб, уни ўпиб, юз кўзига суртган. Сўнг вице-президент Меҳрибон Алиева билан тарихий масжидга йўл олган. 

Халқаро оммавий ахборот воситалари томонидан Арманистон ҳукмронлиги даврида молхонага айлантирилгани ёзилган ва бугун вайронага айланган масжидга Президент Илҳом Алиев ва Меҳрибон Алиева пойабзалларини ечиб, оёқяланг кирдилар. Ушбу ҳолат акс этган суратлар Президент Матбуот хизматининг интернет саҳифасига жойлаштирилди. Давлат раҳбари ва унинг рафиқаси масжидга кириш олдидан унинг деворларини ўпишган. 

Дунё ҳамжияти, айниқса, мусулмон давлатлар халқларининг диққатини тортган ушбу сурат айни вақтда ижтимоий тармоқлар кун тартибига чиқди. 

Президент Матбуот хизматига кўра, Меҳрибон Алиева масжидга қўлида Маккадан олиб келинган Қуръони Карим билан кириб, уни ўпган ва масжид меҳробига яқин пештахтада қолдирган.

Улар масжидда Қуръон тиливот қилишган. Сўнг давлат раҳбари оммавий ахборот воситаларига интервью берди. 

“Бугун Ағдам шаҳрини вайронада кўриш жуда ачинарли. Бироқ, бир неча йил олдин ушбу минтақада, бизнинг хандақларимизда бўлганимда, масжидни дурбин орқали кўрганман. Ушбу ҳис-туйғуларни сўз билан ифодалаш қийин, имконсиз. Ўз ерларингиздаги шаҳарни, масжидни узоқдан дурбин билан кўриб, бу ерга кела олмаслик қанчалик оғриқли эканини билсангиз эди. Алоқа чизиғида, хандақда бўлганимда, қайтиб келадиган ва ўз ҳудудий яхлитлигимизни тиклайдиган кун келади, деб ўйлаган эдим. 

Бугун мен Ағдам масжидига Маккадан олиб келинган Қуръонни совға қилдим. Мен бахтли одамман, чунки тўрт марта Маккага ташриф буюрганман. Бир марта марҳум отам билан бирга ва уч марта Президент сифатида. Муқаддас Каъбада оила аъзоларим билан намоз ўқиганимдан бахтиёрман. Менинг ҳам қалбимда ҳар қандай одамнинг юрагидаги каби туйғулар бор. Мен дуоларида биринчи бўлиб ерларимизни ишғолдан озод қилиш ҳақида сўрардим. Аллоҳдан менга куч беришини, бу ерларни ишғолдан озод қилишимизни, бу бахтни бизга насиб этишини ва яна ота-боболаримиз юртига қайтишимизни сўрардим. 

Бугун бу ерда, бузғунчилар томонидан вайрон қилинган масжид олдида мен ўзимни бахтли одамман деб айтаман. Дуоларимни эшитгани ва менга шу кучни бергани учун яна бир бор Аллоҳга шукур айтаман. Кучларимизни сафарбар этиб, биз ушбу тарихий кунларни бошдан кечирмоқдамиз. Бу ҳақиқатан ҳам тарихий кунлар. Эҳтимол, Озарбайжоннинг кўп асрлик тарихида бундай шонли ва ғурурли кунлар бўлмаган. Бунга биз бирдамлигимиз, кучимиз эвазига эришдик. Ҳеч ким бизга ёрдам бермади. Аксинча, ҳалал беришди. Сизга бу ҳақда батафсил айтиб берадиган кун келади”, дейди Илҳом Алиев. 

Ағдам марказида жойлашган ушбу масжид 1870 йилда қурилган. 1992 йилда Хўжали Арманистон томонидан босиб олингандан кейин Ағдамдаги ушбу тарихий масжид вайронага айланган.

Шарҳлар

Озарбайжон, Туркия ва Грузия ҳамкорлиги бўйича Боку декларацияси имзоланди

18.03.2024, 10:30

Озарбайжон, Туркия ва Грузия ташқи ишлар вазирларининг учрашуви якунлари бўйича Боку декларацияси имзоланди.Бу ҳақда Озарбайжон ташқи ишлар вазири Жейҳун Байрамов Туркия ва Грузия ташқи ишлар...
Арманистон-Озарбайжон чегарасидаги Лочин йўлида чегара пости ташкил этилади

16.03.2023, 10:31

5 март куни Арманистон томонидан содир этилган провокация Арманистон-Озарбайжон чегарасидаги Лочин йўлининг сўнгги нуқтасида чегара назорат постини ташкил этиш зарурлигини яна бир бор кўрсатди.Бу ҳақда...
Озарбайжонда "Қора январь" фожиали воқеалар қурбонлари ёдга олинди

21.01.2023, 12:48

Озарбайжонда 1990 йил 20 январдаги фожиали воқеалар қурбонларини ёдга олинди. Шу куни бутун Озарбайжонда бир дақиқалик сукут эълон қилинди. Кемалар, машиналар ва поэздлар мотам садоларини...
Қорабоғда тинчликпарвар кучларнинг ҳаракатсизлиги фонида экологик террор давом этмоқда

17.12.2022, 10:45

Бир неча кундан буён Хонкенди-Лочин йўлида Озарбайжон фуқаролик жамияти вакилларининг “Қорабоғда экологик террорга йўл йўқ” шиори остида тинч акцияси ўтказилмоқда.Ҳаммаси Қорабоғда жойлашган Россия тинчликпарвар кучлари,...
Об-ҳаво: Тошкент
Валюта курси
1