Юртимизда «ақлли» газ ҳисоблагичлардан маълумотларни йиғиш тўлиқ онлайн тизимга ўтказилмоқда

ЖАМИЯТ 07.04.2021, 16:17
Теглар: газ, ақлли
Юртимизда «ақлли» газ ҳисоблагичлардан маълумотларни йиғиш тўлиқ онлайн тизимга ўтказилмоқда

«Ҳудудгазтаъминот» АЖ тизимида истеъмолчиларнинг газ ҳисоблаш қурилмаларидаги кўрсаткичларни йиғиш билан шуғулланган инспекторлар лавозими бекор қилинди. Бу ҳақда ташкилот матбуот хизмати хабар берди.

Ушбу қарор газни ҳисобга олиш қурилмалари истеъмол кўрсаткичи ва дебиторлик қарзи юқори бўлган ҳамда газ тақсимлаш тармоқларини модернизация қилиш зарурати мавжуд бўлган 77 та шаҳар/туманларга ўрнатилаётгани сабаб қабул қилинган.

Маълум қилинишича, ҳозирда ГНҲАТ лойиҳасини амалга ошириш Тошкент вилоятининг Тошкент, Зангиота ва Қибрай туманларида, Фарғона вилоятининг Марғилон шаҳрида, Навоий вилоятининг Кармана туманида тўлиқ якунланган. Бутун мамлакат бўйлаб 991 мингдан зиёд янги «ақлли» газ ҳисоблагичлар ўрнатиб бўлинган ва уларда қайд этилаётган маълумотлар автоматик равишда BillingGaz тизимига юборилмоқда.

«Қабул қилинган қарор газ етказиб берувчи ва абонент ўртасида ўзаро ишончга асосланган муносабатларни ўрнатиш, шунингдек, ГНҲАТ тизимига уланмаган ҳамда аввал ўрнатилган газ ҳисоблагичларидан табиий газ истеъмоли тўғрисидаги маълумотларни BillingGaz тизимига киритишда инсон омилини қисқартиришга имкон беради», — дейилади хабарда.

«Ҳудудгазтаъминот» АЖ «сотувчи ва харидор» муносабатларидаги янги шартларга мувофиқ ҳамда абонент ва табиий газ етказиб берувчиси ўртасидаги амалдаги келишувга биноан, истеъмол қилинган «зангори ёқилғи» учун тўловларни ҳар ойнинг 10-кунигача амалга ошириш кераклигини эслатади.

Етказиб берилган табиий газ учун тўлов шартномада белгиланган муддатларда, ўз вақтида тўланмаган тақдирда, истеъмолчи етказиб берувчига газ етказиб бериш шартномасига мувофиқ, тўлови кечиктирилган ҳар бир кун учун тўлов миқдорининг 50 фоизидан кўп бўлмаган ҳолда, 0,1 фоиз миқдоридаги пеня тўлайди.

«Истеъмолчилардан хонадонларига ўзларини газ таъминоти ташкилотларининг инспектори сифатида таништириб келган шахслар билан алоқага киришмасликларини ва уларни ГНҲАТ тизимига уланмаган газ ҳисоблагичларидаги кўрсаткичларни тақдим этмасликни, шунингдек, тўловларни мобил телефон орқали электрон тизимлар ёки банк кассаларига мурожаат қилган ҳолда амалга оширишларини сўраймиз», — дейилади «Ҳудудгазтаъминот» АЖ хабарида.

Таъкидланишича, яқин кунларда истеъмолчилар ГНҲАТ тизимига уланмаган, истеъмолдаги газ ҳисоблагичларининг кўрсаткичларини юборишлари учун махсус Telegram-бот ҳамда илова ҳам ишга туширилади.

Шарҳлар

⚡️ Туркманистон Ўзбекистонга бепул суюлтирилган газ беради

04.02.2023, 11:49

Туркманистон президенти Ўзбекистонни дўстона ва биродарлик билан қўллаб-қувватлаш мақсадида суюлтирилган газни Ўзбекистонга бепул ўтказиш бўйича фармон имзолади. Бу ҳақдаги хабар мамлакат ҳукумати порталида эълон қилинди. Маълум...
Туркманистон Ўзбекистонга газ экспортини қайта тиклади

23.01.2023, 12:13

Сал аввал аномал совуқ туфайли 12 январда қўшни мамлакатнинг табиий газ қазиб чиқариш конларида юзага келган авариявий ҳолат Туркманистондан  табиий газ импортининг тўлиқ тўхташига сабаб...
Россия ва Ўзбекистон билан газ иттифоқи қуриш масаласи муҳокама қилинмади — Қозоғистон Энергетика вазирлиги

13.12.2022, 11:03

Қозоғистон газ иттифоқини яратиш масаласини муҳокама қилмади, деб хабар қилди мамлакат энергетика вазирлигига таяниб Риа Новости. "Қозоғистон, Россия ва Ўзбекистон газ ташиш тизимларининг техник имкониятларини муҳокама...
Европада газ нархи тарихда биринчи маротаба 2000 доллардан ошди

21.12.2021, 21:25

Европада газнинг нархи тарихда биринчи маротаба бир куб метр учун 2 минг доллардан ошди. Бу ҳақда "Газпром" хабар берди.Қайд этилишича, 21 декабрдаги савдолар вақтида газ...
Об-ҳаво: Тошкент
Валюта курси
1