2021 йил 23 июн куни Қашқадарёда "Нексия 3" машинаси велосипедни уриб юбориши натижасида набира ва унинг бобоси вафот этди. Бу ҳақда вилоят ЙҲХББ хабар қилмоқда.
Қашқадарё вилоят ИИБ ЙҲХБ ахборот гуруҳи раҳбари Жавлон Бахтиевнинг маълум қилишича, соат тахминан 17:30 лар чамаси Китоб туманидан ўтувчи 4К271 автомобил йўлининг 9 километрида «Нексия 3» автомобили ҳайдовчиси велосипедни уриб юбориб, ЙТҲ содир этади. Натижада ушбу велосипедни бошқариб келаётган киши ва унинг вояга етмаган набираси оғир тан жароҳати олиб вафот этади.
«Мазкур ЙТҲ юзасидан Китоб тумани ИИБ тергов бўлими томонидан жиноят иши қўзғатилиб, ҳозирда тергов ҳаракатлари олиб борилмоқда», дейди .
Ҳайдовчининг сўзларига кўра, 50-60 метр масофада велосипедни кўрган, аммо орадаги масофа яқин қолганида велосипед унинг қаршисига чиққан.
