АсосийSiyosat
21.09.2021 10:51
3875

Бугун Сенат Раиси бошчилигидаги делегациянинг Қирғизистонга ташрифи кутилмоқда

'Бугун Сенат Раиси бошчилигидаги делегациянинг Қирғизистонга ташрифи кутилмоқда'ning rasmi

2021 йил 21 сентябрь куни Ўзбекистон Республикаси Олий Мажлиси Сенати Раиси Т.Нарбаева бошчилигидаги делегациянинг Қирғиз Республикаси (Бишкек шаҳри)га расмий ташрифи бўлиб ўтади. Бу ҳақда Сенат ахборот хизмати хабар бермодқа.

Маълум бўлишича, ташриф доирасида Олий Мажлис Сенати Раиси Танзила Нарбаева ва Қирғиз Республикаси Жокоргу Кенеши Торағаси Талант Мамытов ўртасида икки томонлама муносабатлар, шу жумладан, мамлакатлар ўртасидаги ҳамкорликни мустаҳкамлашда парламентлараро алоқаларни ривожлантириш юзасидан музокаралар ўтказиш кўзда тутилмоқда.

Ташриф доирасида минтақавий иқтисодий салоҳиятни мустаҳкамлаш учун барқарор алоқаларни шакллантиришга қаратилган “Ўзбекистон ва Қирғизистон тадбиркор аёллари мулоқоти” халқаро бизнес-форумида иштирок этиш режалаштирилган.

Унда хотин-қизларнинг иқтисодий ҳуқуқ ва имкониятларини кенгайтириш, тадбиркор аёллар ўртасида мамлакатлараро ва минтақавий ҳамкорликни ривожлантириш масалалари кўриб чиқилиши айтилмоқда.

Делегация аъзолари шунингдек, “Ата-Бейит” ёдгорлик мажмуаси, Қирғиз Республикаси халқ ёзувчиси Ч. Айтматов уй-музейига ташриф буюришлари ва унинг қабрига гул қўйиш ҳамда бошқа тадбирлар бўлиб ўтиши кутилмоқда.

Бизни ижтимоий тармоқларда кузатиб боринг

Бошқа янгиликлар