Sevimli

Фарғонада Қирғизистонга моддий бойликлар олиб ўтишга мўлжалланган ерости йўли аниқланди

ЖАМИЯТ 24.06.2022, 20:44
Теглар: Қирғизистон, Фарғона, Ерости йўли
Фарғонада Қирғизистонга моддий бойликлар олиб ўтишга мўлжалланган ерости йўли аниқланди

Фарғона вилоятининг Риштон туманида Қирғизистон Республикасига ноқонуний олиб ўтувчи ерости йўли аниқланди. Бу ҳақда "darakchi.uz"га ДХХ матбуот хизмати хабар бермоқда. 

Маълум қилинишича, жорий йилнинг 23 июнь куни Ўзбекистон Республикаси Давлат хавфсизлик хизмати Чегара қўшинлари ҳарбий хизматчилари томонидан ДХХ Фарғона вилояти бўйича бошқармаси ҳамда вилоят ИИБ билан ҳамкорликда олиб борилган тезкор тадбир давомида Риштон туманида яшовчи фуқаро Т.М. бошқарувидаги юк автомашинаси тўхтатилиб, кўздан кечирилди.

Натижада, автомашинада тегишли ҳужжатлари бўлмаган, тахминий қиймати 15 млрд. сўмлик 2707 дона мобил телефонлар (IPhone 13 Pro Max, Samsung Galaxy S 22 ultra, RedMe Note 11 pro ва ҳ.к.) борлиги аниқланиб, процессуал тартибда расмийлаштириб олинди.

Шунингдек, тезкор тадбир давом эттирилиб, фуқаро Т.М. яшаш хонадони кўздан кечирилганда, Қирғизистон Республикаси Боткен вилояти Қадамжой райони ҳудудига олиб ўтувчи, эни 1-1,5 метр, баландлиги 2 метр, узунлиги тахминан 130 метр бўлган ерости йўли мавжудлиги аниқланди.

Таъкидланишича, ушбу ерости йўли Қирғизистон Республикасидан товар-моддий бойликлар олиб ўтишга мўлжалланган.

Ҳозирда ҳолат юзасидан Жиноят Кодексининг тегишли моддалари билан жиноят иши қўзғатилган.

 

Шарҳлар

Фарғона вилоятининг туман ва шаҳарлари чегаралари ўзгартирилмоқда

16.08.2022, 18:16

Ўзбекистон Республикаси Олий Мажлиси Қонунчилик палатасининг навбатдаги мажлисида депутатлар  “Фарғона вилоятининг Ўзбекистон, Учкўприк, Данғара, Фарғона, Тошлоқ, Қўштепа туманлари, Қўқон, Марғилон ва Фарғона шаҳарлари ҳудуди чегараларини...
Фарғонада ҳам қимматбаҳо дарахтлар оммавий қирғин қилинмоқда (видео)

08.08.2022, 10:18

Фарғонада дарахтлар оммавий қирғин қилинмоқда, дея ёзмоқда депутат Расул Кушербаев.Депутатга келган мурожаатга кўра, Фарғона вилояти, Ўзбекистон тумани, Қир кетмон маҳалласида қимматбаҳо дарахтлар оммавий қирғин қилинмоқда....
Фарғонада фуқаро хонадонидан гиёҳванд моддалар топилди

29.10.2021, 22:29

22 октябрь куни Олтиариқ тумани ИИБ ходимлари томонидан ўтказилган тезкор тадбир давомида, Узумчи МФЙ яшовчи A.I.ni яшаш хонадони холислар иштирокида кўздан кечирилганда, молхонаси том қисмида...
Қирғизистон ва Тожикистон президентлари ҳам Шавкат Мирзиёвни сайловдаги ғалабаси билан табриклади

25.10.2021, 19:00

25 октябрь куни Ўзбекистон Республикаси Президенти Шавкат Мирзиёев Қирғиз Республикаси Президенти Садир Жапаров билан телефон орқали мулоқот қилди. Бу ҳақда Президент Матбуот хизмати хабар берди. Қирғизистон етакчиси...