Sevimli

Қирғиз-тожик қуролли тўқнашуви чегаранинг бутун периметри бўйлаб давом этмоқда (видео)

ДУНЁ 16.09.2022, 14:27
Теглар: Видео, қирғиз, тожик
Қирғиз-тожик қуролли тўқнашуви чегаранинг бутун периметри бўйлаб давом этмоқда (видео)

Аввал хабар қилганимиздек, бугун 16 сентябрь куни қирғиз-тожик чегарасида отишма содир бўлди.

Айни пайтда ҳам Қирғизистон ва Тожикистон чегарасида қуролли тўқнашувлар давом этмоқда, томонлар бир-бирини провокацияда айбламоқда.

Бишкек Душанбени келишувларни бузишда ва "хиёнаткор ҳужумда" айблади. Душанбеда улар қирғиз аскарлари бир қатор тожик аҳоли пунктларини ўққа тутганини даъво қилмоқда. Қирғизистон Ташқи ишлар вазирлиги Тожикистонга норозилик нотасини топширди.

Қирғизистон-Тожикистон давлат чегарасининг бутун периметри бўйлаб қуролли тўқнашувлар содир бўлмоқда, деб хабар қилди Қирғизистон Миллий хавфсизлик давлат қўмитаси чегара хизмати. Департамент матбуот хизмати хабарига кўра, Тожикистон томони Боткен вилоятининг Лейлек туманидаги Кулунду, Мақсат ва Жанй-Жер ҳудудларини ўққа тута бошлаган. Чегарачилар жавоб ўқ узмоқда, дейилади хабарда. Қирғизистоннинг чегарадош Боткен вилояти қишлоқларидан маҳаллий аҳоли эвакуация қилинмоқда.

Қирғизистон томони Тожикистонни келишувларни бузганликда ва “хиёнаткор ҳужумда” айблаган. “Тожикистон ҳукумати вазиятни назорат қила олмаяпти, қолаверса, улар қуролли тўқнашувларнинг кучайишига ҳисса қўшмоқда”, — дея таъкидлади Миллий хавфсизлик давлат қўмитаси. Чегара хизмати Тожикистонни “ўт очишни тўхтатишга ва барча саъй-ҳаракатларни қуролли можарони юмшатишга йўналтиришга” чақирди.

Тожикистон Миллий хавфсизлик давлат қўмитаси чегара қўшинлари, ўз навбатида, можаронинг бошланишида Қирғизистон томонини айблади. Уларга кўра, соат 04:50 атрофида Қирғизистон чегарачилари Душанбе чегара постини оғир қуроллардан ўққа тутган.

“Шу билан бирга, Қирғизистон ҳарбий хизматчилари оғир қуроллардан фойдаланган ҳолда Хўжаи Аъло, Қуммазор, Сурх, Сомониен, Кулканд аҳоли пунктлари, Исфара, Хистеварз ва Овчиқалача, Бобожон, Ғофуров туманидаги аҳоли пунктларига қуролли ҳужум уюштирди”, — дейилади хабарда. Бу ҳақда “Ховар” агентлиги Тожикистон чегара қўшинларига иқтибос келтирган ҳолда хабар берди.

Томонлар бир-бирини ўт очишни тўхтатиш келишувига қарамай, чегарада отишмалар давом этаётганликда айбламоқда.

Қирғизистон томонида камида 11 киши яралангани айтилмоқда. Улар Боткен вилоят бирлашган шифохонасига ётқизилган. Тожикистон томонида, тожик оммавий ахборот воситаларининг хабар беришича, икки тожик ҳарбийси ҳалок бўлган, 11 киши яраланган – 6 нафар чегарачи ва 5 нафар маҳаллий аҳоли.

Ижтимоий тармоқларда тўқнашувлар акс этган тасвирлар тарқалмоқда.  

Тожикистон томони залп билан отиладиган реактив тизимларини қўлламоқда, деб хабар қилди Қирғизистон Миллий хавфсизлик давлат қўмитаси чегара хизмати. Кадрларда Тожикистон томондан ракеталар учирилгани акс этган.

Лавҳалардан бирида Тожикистон ҳарбийлари бостириб кирган қирғиз маъмурий биносига байроқ ўрнатилгани айтилган. 

 Эслатиб ўтамиз, айни вақтда икки мамлакат президентлари — Жапаров ва Эмомали Раҳмон Самарқандда бўлиб турибди.

Шарҳлар

Ёпиб қўйилган шаҳар, бўм-бўш сайлов участкалари, мажбурий овоз ва театрлаштирилган видеолар...Украинанинг босиб олинган ҳудудларида мажбурий референдум бўлиб ўтмоқда (видео)

24.09.2022, 11:31

Украинанинг босиб олинган ҳудудларида ўтказилган референдумлар нафақат Киев, балки халқаро ҳамжамият томонидан ҳам тан олинмаяпти. Бу ҳақда ўнлаб штатлар вакиллари айтишмоқда. Украина президенти девони раҳбари маслаҳатчиси...
Путин Россияда қисман ҳарбий сафарбарлик эълон қилди (видео)

21.09.2022, 11:32

Россия президенти Владимир Путин россияликларга, шунингдек, Украинанинг КХДР, ЛПР, Херсон ва Запороже вилоятлари аҳолисига мурожаат қилди. Унда президент Россияда қисман сафарбарлик эълон қилган. Бу ҳақда...
Садир Жапаров жонли эфирда кўз ёш тўкди (видео)

19.09.2022, 12:44

Аввал хабар қилганимиздек, бугун, 19 сентябрь куни Қирғизистон президенти Садир Жапаров жонли эфирда мамлакат аҳолисига мурожаат қилмоқда.Садир Жапаров оналарга қирғиз заминини ўз жонимдек севадиган йигитларни...
Тошкент вилоятида 30 ёшли йигит аёлнинг фото ва видеоларини интернетда тарқатмаслик учун 10 минг АҚШ доллари талаб қилди (видео)

12.09.2022, 12:00

Тошкент вилояти ИИББ Уюшган жиноятчиликка қарши курашиш бўлими тезкор ходимлари томонидан ўтказилган тадбирда, аёлнинг фото ва видеоларини ижтимоий тармоқда тарқатиб, шарманда қилмаслик эвазига ундан 10...
Кун мавзуси: коронавирус
Об-ҳаво: Тошкент
+23.97° очиқ ҳаво
Валюта курси
11010.33
USD 30.32
10851.78
EUR -52.47
183.58
RUB 2.47
1