Ижтимоий тармоқларда Самарқандда аёл турмуш ўртоғидан қочиб қутулиш учун бировнинг машинасига ўтиришга мажбур бўлгани акс этган видео тарқалди.
Ҳолат юзасидан Самарқанд вилояти ИИБ Ахборот хизмати маълумот тақдим этди. Маълум қилинишича, Самарқанд шаҳридаги кўчаларининг бирида бир аёл ва эркак ўзаро жанжал қилишаётган вақтида, аёл кўчадан ўтиб кетаётган машинага ўтириб, ИИБга қўнғироқ қилишни, эри уни ураётганлигини айтган.
Ҳайдовчи бу ҳақда 102 рақами орқали мурожаат қилган. Ҳозирда ҳолат юзасидан терговга қадар текширув ҳаракатлари олиб борилмоқда. Натижаси бўйича қўшимча маълумот берилади.
