Қурилиш материалларини ишлаб чиқарувчи ва сотувчи тадбиркорлар билан Қурилиш ва уй-жой коммунал хўжалиги вазирлиги, Солиқ қўмитаси ва "Янги технологиялар" ИАМ мутахассислари иштирокида учрашув бўлиб ўтди.
Очиқ мулоқотда Қурилиш материалларининг идентификация кодлари (МХИК) "Қурилиш материаллари миллий классификатори" билан унификация қилинганлиги билан боғлиқ масалалар муҳокама қилинди.
Учрашувда қайд этлишича, қурилиш материаллари МХИК ўлчов бирлигига ўзгартириш киритиш ёки мавжудларини янгилаш Қурилиш ва уй-жой коммунал хўжалиги вазирлиги томонидан Солиқ қўмитаси хабардор қилингач амалга оширилади.
Шунингдек, учрашувда, тадбиркорлар маҳсулотларнинг ўлчов бирликларини белгилаш, МХИК кодини танлаш ёки янги материалларга янги кодлар бириктириш билан боғлиқ юзага келаётган қийинчиликлар ҳақида гапирди.
Солиқ қўмитасининг “Янги технологиялар” илмий-ахборот маркази, Қурилиш ва уй-жой коммунал хўжалиги вазирлиги ҳамда Техник меъёрлаш ва стандартлаштириш илмий-тадқиқот институти мутахассислари тадбиркорлар томонидан кўтарилган ҳар бир масала юзасидан батафсил тушунтириш берди.
Шунингдек, очиқ мулоқотда иштирок этган ҳар бир тадбиркорнинг муаммосига ечим бериш мақсадида улар билан доимий алоқа ўрнатилди.
Бу эса ўз навбатида бундай муаммоларга дуч келаётган бошқа тадбиркорларнинг масаласи ечим топишига хизмат қилади.
