Яқин йиллар ичида “Samsung Electronics” компанияси эгиладиган ва ўраладиган мобил қурилмаларни чиқаришга умид қилмоқда. Компания Кореяда ўтказилаётган “Samsung Analyst Day” тадбирида ана шу режани тақдим этди.
“Samsung Electronics” компаниясининг бош ижрочи директори О–Хьюн Квоннинг сўзларига кўра, 2014 йил охирида ёки 2015 йил бошида компания букиладиган қурилмани ишлаб чиқаришни режалаштирмоқда.
Эслатиб ўтамиз, ўтган ойда "Samsung” қайишқоқ дисплейли биринчи смартфонни тақдим этганди. Қурилманинг ўзи қаттиқ корпусга эга бўлиб, у эгилмайди.
