Ўзбекистон аёллар миллий футбол терма жамоаси Австралияда ўтаётган AFC Women’s Asian Cup турнирида чорак финалда Жанубий Корея аёллар миллий футбол терма жамоасига қарши майдонга тушади.
Бош мураббий Котрина Калбайте шогирдлари “Б” гуруҳида учинчи ўринни эгаллаб, плей-офф босқичига йўл олган. Чорак финал учрашуви 14-март куни Сйдней шаҳрида бўлиб ўтади.
Қайд этилишича, мазкур баҳс ғолиби келаси йили Бразилияда ўтадиган аёллар ўртасидаги жаҳон чемпионатига йўлланма олади. Мағлуб бўлган жамоа эса мундиалга чиқиш учун қўшимча плей-офф баҳсида иштирок этади.
Маълумот учун, Ўзбекистон терма жамоаси гуруҳ босқичида Хитой аёллар миллий футбол терма жамоаси ва Шимолий Корея аёллар миллий футбол терма жамоасига мағлуб бўлган. Сўнгги турда эса Бангладеш аёллар миллий футбол терма жамоаси устидан ғалаба қозониб, плей-офф босқичига чиқишга муваффақ бўлган.
