Интернет фойдаланувчилар #IrmatovBest хэштегини Жаҳон трендига олиб чиқишни уддалашди.
Бугун Тошкент вақти билан 16:00 да катта миқёсдаги интернет акция ўтказилди. Шу йўл билан ижтимоий тармоқ фойдаланувчилари жаҳон чемпионатида иштирок этаётган ҳамюртимиз Равшан Эрматовни қўллаб-қувватлашди.
Uz24 нашрининг ёзишича, 16:17 да #IrmatovBest хэштеги Твиттернинг жаҳон трендлари рейтингининг тўртинчи поғонасида пайдо бўлган.
Ушбу акцияга Facebook, Instagram ва Odnoklassniki.ru ижтимоий тармоқларининг ўн минглаб фойдаланувчилари қатнашишди.
Шунингдек, акцияни мамлакатимизнинг бир қатор электрон ОАВлари, ўзбек шоу-бизнес вакиллари ҳамда "Даракчи" ва "Суғдиёна" газеталари ходимлари ҳам қўллаб-қувватлашди.
